حد حس قبل كده بكلمة " مقدرش اكتر " !!

___

تعبانة .. معرفش ليه .. او بالاحرى معرفش ليه دلوقتي بالذات يظهر التعب .. تاني !!

____

ممممم

امبارح كان نوم .. تعبا !! تاني !!

وانهاردة وامبارح كان عصبية بردو .. تاني .. عشان تعبا دي ..

رغم ان مفيش شيء ع السطح .. بس هو تعبا ..

انا تعبت من تعبا دي ..

___________

يا الله ..

!!!!!!!!!!!!!

____

هو انتى ايه اصلا ؟؟ وليه عاملة كده ؟؟ !!

يلا .. ما علينا ..

ىديني صحيت .. وخلاص حنام كمان حبة .. عشان ارجع اصحي تاني بعدها بحبة ..

يا رب اصلا فعلا اخلص مشوارا نهاردة ..

هو نا مالي بجد .. كده ؟!!!!

Load !!!

هو انا مالي بس فيا ايه تاني

ما لي بس ..

ما لكِ وما بكِ يا أنا ؟؟ !!!!

يا انا ردي عليا

ويا انا ايه الاسباب يا انا ما تردي عليا

وعلى كيفك واه على كيفك واه على كيفك واه واه واه واه

ان شا الله ما رديتي عليا

يا انا .. هه بس

ههههههههههههههههه

إليكم
عني
.....................

تهييييس : للمهابيل فقط .. والعقلاء يمتنعوووون هع هع هيع

هكذا يُلف قشر المانجا بعد أكلها عن آخرها لعمل ما يشبه " محشي ورق المانجا" .. او "بقلاوة قشر المانجا "

وطبعا ده الى بيعمله اي حد عنده حس فني راقي والعظماء والمفكرين امثالي فى الاكل بعد ما ياكلوه

وطبعا لا نغفل أن المجانين يقومون بالفعل نفسه

غلطت ماما وسابتلي طبق رز انقيه.. ودي كانت النتيجة بعد ما نقيته ..
الحمد لله ان ماما بعد ما سابتهولي دخلت تنام ..

الله يكون في عونها

من ألبووون عمرو دياب القديم :

إن شا الله يا خويا الى فيا يجى فيك



قبل الجواز : الليلة دي سيبني أقول وأحب فيك .. وإنسى كل الدنيا دي وغمض عينيك ..

بعد الجواز : الليلة دي سيبني أقول وأهّب فيك .. وإنسى كل الجران دي وأزعّق عليك ..

>> أَهِّب : من الهب مش الحب .. اي ان حد يهب في حد اي يشخط فيه فجأة ..
>> أزعّق عليك : عليك ومش فيك هكذا باللهجة العربية غيرا لمصرية لن القافية متجيش غير كده فمتقرفوناش بقى

______________

كرررررررررررررر

للتهيييييييس .. فاصل وقد نواصل

يَا أَيُّهَا النَّاسُ إِنْ كُنْتُمْ فِي رَيْبٍ مِنَ الْبَعْثِ فَإِنَّا خَلَقْنَاكُمْ مِنْ تُرَابٍ ثُمَّ مِنْ نُطْفَةٍ ثُمَّ مِنْ عَلَقَةٍ ثُمَّ مِنْ مُضْغَةٍ مُخَلَّقَةٍ وَغَيْرِ مُخَلَّقَةٍ لِنُبَيِّنَ لَكُمْ ۚ وَنُقِرُّ فِي الْأَرْحَامِ مَا نَشَاءُ إِلَىٰ أَجَلٍ مُسَمًّى ثُمَّ نُخْرِجُكُمْ طِفْلًا ثُمَّ لِتَبْلُغُوا أَشُدَّكُمْ ۖ وَمِنْكُمْ مَنْ يُتَوَفَّىٰ وَمِنْكُمْ مَنْ يُرَدُّ إِلَىٰ أَرْذَلِ الْعُمُرِ لِكَيْلَا يَعْلَمَ مِنْ بَعْدِ عِلْمٍ شَيْئًا ۚ وَتَرَى الْأَرْضَ هَامِدَةً فَإِذَا أَنْزَلْنَا عَلَيْهَا الْمَاءَ اهْتَزَّتْ وَرَبَتْ وَأَنْبَتَتْ مِنْ كُلِّ زَوْجٍ بَهِيجٍ

سورة الحج ..


ـــــــــــــــــــــــــــــــ

شدتني اوي الايه دي وانا بقرأها ..

هقول نظرتي للأمر .. ممكن حد يستغرب ويارب لو نظرتي فيها شئ يغضب الله ربنا يعفو و يصفح ..

ربنا امره ما بين حرفين "ك ن " .. يعني ربنا لو اراد الشئ وأمر يكون بإذنه ..

ولكن سبحانه وتعالي خلق السماوات والأرض في 6 أيام .. وممكن تتخلق اول ما ربنا يريد ..
و في خلقه للانسان بخطوات رغم انه اول ما ربنا يريد يتولد .. المرأة تحمل وتولد قبل ان ترمش العين .. ويكون انسان عاقل كامل لاعيب فيه ..

ولكن ربنا جعل خلق الانسان في خطوات .. و السبب لا يعلمه الا هو ..
بس اظن ان بنظرة لخلق الانسان و تتابع خطوات تكوينه ده اد ايه بيعلمنا الصبر ..
ده غير ان بيخلي الواحد سبحان الله معندوش شك في البعث بعد الموت .. وان الانسان بعد ما يموت و يصبح لاشئ ربنا قادر علي إعادته كما خلقه و كان لاشئ برضه ..

سبحان الله ..


يا الله بجد ..

الايه رائعة في تصوير خلق الانسان و أروع في وصف حياة اي انسان في كلمات قليلة ..


يارب الهمنا الصبر دائما و أبدا .. و ارزقنا الرضا بالحال ..

: )

أنا قولت أنا بعشق الكائن ده .. قوي

وأنا نفسي في حياة .. ومطر لي ..

و أطييييير ..

وأفرررررح

شوفوا كارتون "سوبر هنيدي" على دبي الساعة 6 ونص او 7 الا تلت كده ..
تحفففففة

ساخر ..هادف .. كوميدي مسسسسخرة

أول يوم اشوفه امبارح .. من اول رمضان وانا بدوّر عليه

" يا أيها الذين امنوا " ..

حد خد باله من النداء ده يا جماعة ..

كتاب اسمه " نداءات الرحمن لأهل الأيمان " .. للشيخ أبو بكر جابر الجزائري ..

الكتاب ده فيه 90 نداء من الله الرحمن للمؤمنين ..

جميع الايات اللي بتبدأ بــ " يا أيها الذين امنوا "..
و شرح الايات ..

كتاب من أروع الكتب اللي بقراها ..



فيه حته معينة عايزه اقتبسها من الكتاب عشان لما نيجي نقرأ القران ناخد بالنا منها ..

بيقول ايه ..

إقتباس:

و اعلم أيها القارئ لهذا النداء أن الله تعالى إذا نادى عباده المؤمنين إنما يناديهم ليأمرهم بما فيه سعادتهم وكمالهم ، أو لينهاهم عما فيه شقاؤهم و نقصانهم ، أو ليبشرهم أو ينذرهم ، أو ليعلمهم ما ينفعهم ، و لنستمع إلي عبد الله بن مسعود رضى الله عنه و قد قال له رجل إعهد إلّى يا عبد الله فقال له : إذا سمعت الله تعالى يقول " يا أيها الذين امنوا ".. فأرعها سمعك فإنه خير يُأمر به أو شر يُنهى عنه ..

بمعني ان مع كل آيه بيقول فيها الله " يا أيها الذين امنوا ".. يبقي الايه دي وراها خير للمؤمنين .. سواء بنصيحة .. او بالنهي عن أذي ..و هكذا ..


مثال / ..


قال - تعالى -: ((يا أيها الذين آمنوا لا تتخذوا بطانة من دونكم لا يألونكم خبالاً، ودوا ما عنتم، قد بدت البغضاء من أفواههم وما تخفي صدورهم أكبر، قد بينا لكم الآيات إن كنتم تعقلون)) [آل عمران/118].



و الايه جسب ما فهمتها .. ان احنا أسرارنا و باطن أمورنا منقلهاش لغير المؤمنين .. و ان غير المؤمنين بيحبوا كل ما يوقعنا في المشقة حتي نحرم من سعادة الدنيا .. وقد بدت البغضاء من أفواههم .. اي انهم ظهرت البغضاء منهم علينا لاننا مسلمين وهم كفار .. وتكملة الايه بقي..

والله أعلم ..

يعني .. نداءات الرحمن للمؤمنين كلها خير ..

انا وصلت للنداء الــ 16 و لحد دلوقتي سبحان الله الواحد بيبدأ يركز و يشوف حجات و معجزات قرانيه مكنش واخد باله منها ..




" يا أيها الذين امنوا " ..


سبحان الله : )

هل التطفل نوع من انواع الحب؟؟

ولا نوع من انواع الكره؟؟

أنا بعشق الكائن ده ..
يسحر ..

سبحان الله .. سبحان الخلاق

ساعات لما بنكون مكروبين وبندعي ربنا بنقع في غلطة اننا بنتخيل او نبقى عايزين للدعاء مفعول السحر .. تفرج في التو و اللحظة .. هي لو مفرجتش فى التو واللحظة بنصبر بردو ونفضل ندعي.. ده حكم ربنا .. بس احنا بنتمناها في التو واللحظة ..
وان على طول نلاقي الدنيا بتتحسن .. فلو دعينا ولقيناها بتسوء بنحبط ..
يمكن بنعمل كده من كتر تعبنا .. وكبر الهم علينا .. قلة حيلة .. أمل كبير .. الخ ..

لكن ممكن جدا الامور تسوء .. وتسوء اكتر .. واكتر جدا .. وتضلم جدا .. جدا كمان ..

وبعدها الضلمة دي بتتقلب نور .. ومن الضلمة ممكن يخرج نور..

والحاجة الى هي خلت الموضوع بقى اسوأ وأسود م الاول في نظرنا .. هي الى كانت المفتاح الى جه بيه الحل مثلا ..

هي الى طلع منها النور ..

الى حصل ان ربنا استجاب فعلا وبسرعة جدا كمان .. فمن الضلمة دي جه الفرج والنور ..

فلما جتلنا الضلمة دى كانت بداية الفرج .. بس احنا طبعا شوفناها ضلمة وبس لحد ما بان النور و فهمنا ..

فسبحان الله .. واستغفر الله .. والحمد لله ..

مرة كتبت هنا " انحسن الصبر ؟ "

- يجوز - نكون بنصبر ونرضى .. او هكذا نظن والله اعلم ..
لكن بنكون تعبانين.. وتعبانين .. متألمين .. ونفسنا في فرج قوي .. وبنتمنى من ربنا قوي ..

فـ "أنحسن الصبر والرضا ؟؟"

طب وفي الاختبار نجحنا ولا فشلنا ؟.. لو قلنا مثلا اننا صبرنا ورضينا لكن كانت بتجيلنا لحظات او فترات ضعف ويأس .. تعب .. ده يضيع ثواب الصبر ؟؟ ولا ده ضعف بشري آدمي .. نأمل من الله ان يتغاضى عنه ليعطينا اجر الصابرين ..

الله أعلم ..

ممكن ناخد كام على كما في الاختبار؟؟ لو كانت بتتحسب كده .. والله اعلم بردو ..

مين بتفضل رؤيته دايما واضحة .. وبعيدة المدى وايمانه عالى على طول مش بينقص فترات زي ما نعرف ان ( الايمان بيزيد وينقص) ومبيتأثرش خالص بالمؤثرات الى حواليه وبالمدى القريب ؟؟

كل حد فينا عنه بلاء .. مش واحد اكتر كتير مروا عليه في حياته ..

يا تري فى كل ابتلاء منهم كنا بنجيب كام على كام ؟؟ لو بتتقاس كده ..

ربنا الهادي ..

فـ سبحان الله .. الحمدلله .. استغفر الله ..

يا رب .. خير .. : )

الحمد لله حمدا كثيرا طيبا مبارك فيه ..

و .. رمضاننا مبارك .. باذن ورحمة الرحمن ..

وان شاء الله حيكون "غير"

ان شاء الله حيكون افضل .. واحنا حنبقى فيه أفضل ..

وبإذن الله حيكون أفضل ..

رمضان أبيّض .. : )

مين قال سؤالك عني

حاجة

مش مهمة

!!

ساعات الفرحة بتبقى قرار !!
ربنا يسعدكو : )

رمضانكم بخير

صباحكم ثالث يوم رمضان

ريحة رمضان حلوة بجد .. حد شامم حاجة؟

جو رمضان تحفة .. حد حاسس بيه؟

شكل رمضان جميل أوى .. مش واضح برضه؟


ربنا فاتح أبواب الجنة , حد بقى مشتقالها زيادة؟

ربنا يرضى عننا يارب

قلبي يحدّثني بأنكَ
.....................................................>>

دعاء .. محستش معناه غير من كام سنة فاتوا ..

" اللهم إني اعوذ بك من جهد البلاء "

وكمان " اللهم إني أعوذ بك من السلب بعد العطاء "

حسيتهم وفهمتهم قوي وعرفت قيمتهم وقتها ..

فـ " اللهم إنى اعوذ بك من جهد البلاء "

انا في مشكلة تقيلة ..

ادعولي كتير .. ومتسئلونيش فيها



___________--

يفرجها الله ..

بردو .. بردو .. بردو ..

رمضان أبيّض ..

وبردو حدعي ربنا .. يجعله رمضان مبارك وخير .. ويجعل عيده عيد وسعيد .. رغم كل حاجة حصلت ..

انا مكنتش اتخيل ان يحصل كل ده في رمضان اصلا!! وفي اول يوم !!

المسئلة بالنسبالي مش مفهومة .. ازاى في رمضان تحصل مشاكل بالشكل ده وبالحجم ده ؟؟

غريبة شوية والشياطين محبوسة !!

مش عارفة ..

مكنتش مستوعبة .. لساني مش مستوعبة ..

بس بردو .. انا خايفة .. متاخدة ىه .. كاشّة جوة نفسي آه .. مش كلي تفاؤل آه .. جوايا جزء يائس آه ..

بس بردو ..

ربنا يجعل رمضاننا .. أبيّض ..

رمضان الاصل فيه انه ابيض ..يوم ما يبقى فيه مشكلة .. يبقى احنا الى وحشين ..

بس بردو .. يجعل رمضاننا .. أبيّض .. نضيف .. صافي .. هادي ..نقي جميل ..

اللهم .. من للمنتفض خوفا ولا حيلة له ..سواك ..

اللهم ...................

كل سنة وانتو طيبين
!!

بدأ رمضان .. ربنا يجعل رمضاننا مبارك .. وخير .. ويعيننا فيه : )

مساؤكم رحمة ..

فتحت أبواب الجنة .. وغٌلّقت أبواب النار ..
فيه أمن وأمان أكتر من كده ؟؟

.. اللهم لك الحمد

آه .. ربنا يجعل رمضان ده مختلف جدااااا..
والعيد ده مختلف جدا ..

يا رب

أول امبارح كنت قررت انزل اتمشى ع البحر بدرى .. ومنفذتش ..

استعديت .. وبعدين دخلت نمت .. كنت اجهدت ومش شايفة قدامي

امبارح بالنهار بقى ..بردو لقيت نفسي مجهدة .. لكن عملتها ..

خدتني ونزلت ..

اتمشيت ساعة ونص ع البحر .. ورجعت ..

صورت صور كمان .. وشنطتى اتقطعت وانا ماشية وكملت السكة وانا ماسكاها بايدي ..
كنت خايفة حد يقول سارقاها او يسرقها مني )


نمت الساعة 10 الصبح ..

واشتريت سوبيا وانا راجعة قعدت اشرب فيها طول اليوم هههههههههههه

لكن المهم .. الدنيا الصبح جمييييلة

نور مش غير شمس تحرق ( يمكن على ما نزلت كنت اتاخرت كمان .زلو نزلت بدري شوية كانت تبقى ملهاش حل )
هوا منعععععش ونقى ..
سما واسعة وبحر .. ( معرفتش استمتع بالسما قوي لإني كنت لوحدي )
منظر حلو ..
مشي يهدي الاعصاب ..
رياضة ..
دنيا فاااااضية مش زحمة خااااااااااالص .. رااااايقة ..

رائعة ..

مريحة جدا

حلو قوي لو الواحد خدله نص ساعة يوما مشي بدري كده وفي الظروف دي .. اكيد حتفرق نفسيا ورياضيا كتير

ليه الناس مبقوش بيبصوا للجمال .. ولا يستمتعوا بيه ..

لو مكسلتش ممكن افرجكم الصور : )

بس انا اتخرت .زنزلت 8 صباحا بدل 6 او 7 زي ما كنت ناوية ..

آخر نهار قبل رمضان باذن الله ..

والليلة اول ليالي رمضان ..

ربنا يهدي ..

ربنا يجعل رمضاننا مبارك .. وخير ورحمة ..

ويجعل عيدنا .. بجد عيد .. وفرحة ..

يا رب

______

كيفكم ؟؟
___

طب انا نفسي فموز باللبن دلوقتي ..
هههههههههههههههه

كل سنة وانتو طيبين :))


رمضان كريم
من رب أكرم
..

تاااااني .. نفس الصورة ..

إفتح شباك للأمل .. ومتقفلهوووووش ..

--

يااااااااا رب ..

في بعض مقابر البصرة إذ رأيت جارية على قبر تندب وتقول
( بروحي فتى أوفى البرية كلها ... وأقواهم في الحب صبرا على الحب ) قال فقلت لها يا جارية بم كان أوفى البرية وبم كان أقواها ؟ فقالت يا هذا إنه ابن عمي هويني فهويته فكان إن أباح عنفوه وإن كتم لاموه فانشد بيتي شعر وما زال يكررهما إلى أن مات والله لأندبنه حتى أصير مثله في قبر إلى جانبه فقلت لها يا جارية فما البيتان ؟ قالت
( يقولون لي إن بحت قد غرك الهوى ... وإن لم أبح بالحب قالوا تصبرا )
( فما لامرئ يهوى ويكتم أمره ... من الحب إلا أن يموت فيعذرا ) ثم إنها شهقت شهقة فارقت روحها الدنيا رحمه الله تعالى عليها والحكايات في ذلك كثيرة وفي الكتب مشهورة ولولا الإطالة والخوف من الملالة لجمعنا في هذا المعنى أشياء كثيرة ولكن اقتصرنا على هذه النبذة اليسيرة والله سبحانه وتعالى أعلم وصلى الله على سيدنا محمد وعلى آله وصحبه وسلم

((المستطرف))

يا عازلى فيه قولى اذا غاب كيف أسلو

الجو

حر!


هاتوا كل السمايليز اللي بتعيط!
..

يجعل صباحكم وِسع السماااا والبحر

ومنظر حلو .. يشرح الصدر ..

السما وااااااااااسعة ..

والبحر وااااسع

بعشق شكل السما ..بلونها ووسعها ..

لبني .. يتخلله ابيض من سحاب جميييييل

وهوا نضييييف

وبحر ..

: )

صباح الخير يا قوم : )

وجمعة مباااااااااااااااركة ..

وأمــــــل جمييييييييييييل : )))))))))

حلو قوي .. أنا بعشق بتلات الأزهار وهي منثورة ..

وردة بيضا .. و وردة حمرا ..

: ))))))))

حلوين منِّك قوي ..

تحفة الالوان .. والمعنى .. والورد

______

كان زمان عمر ما حد بيجيبلي ورد .. من يوم ما عرفتكوا وانا مهرية ورد ههههههههههه

كل ما اشوف حد يديني ورد ههههههههههه

looooooooool بجد ..

ده شيء بيسعدني ..

حفتح محل قريب ههههههههه

المرة دي جففتهم في الشباك .. تجديدا بدل الكتاب : )
محليين الشباك : )

اخبار القمر ايه : )

حاجة صعبة قوي بجد ..

مش قادرة ..

اتخنقت فعلا ..

مش كده يعنى ..

واعصابي

وايه ده بس ..

رحمتك يا رب ..

يا رب ..... على خير يا رب

من يفكر ولا يتكلم: غير مؤثر..
___
: ) .. اقتباس كتير
بس بردو اكيد له تأثير ولو بسيط على قد كلامه ..

أو ع الاقل .. تفكيره ممكن يخليه قدام مؤثر جدا - لما يبدأ يتكلم -
لن الى خد وقت اطول في التفكير ممكن تكون حكمته اكبر ..

وممكن ميأثرش في حاجة خالص .. على حسب هو حيختار لنفسه ايه !!


ومن يعمل بلا تفكير: خطر
____
اها


إذا كنت فناناً فدع إحدى أذنيك تنصت للأرض والأخرى تنصت لقلبك
____

حلوة قوي ..

+ بتاعة اذا اردت ان يقتنع الآخرين بكلامك اغلق عقلك دي .. جامدة موت ..

___________________________

ايوة انا بق .. مكببر

ممم

مافي بوح .. ايمو بيعيط ..

طب كويس ان فيه مدونة ههههههههه

سنعود بعد كثير .. إن شاء الله ..

ده إن عدنا

____

حلوة فكرة بكرة دي ..

وما بعده .. ربي ييسر واقدر انفذ ..

____

ايوة انا عندي مشكلة ..

معنديش آليات تنفيذ لأي حاجة : )

!!!!

البعض منا يستمع بفمه
إذا أردت أن يوافقك الناس على آرائك أبق مخك مغلقا
بعض فناني الكوميديا يجب أن يبتعدوا عن التليفزيون فهم يظهرون أفضل في الراديو
إذا أردت أن تقوم لجنة بعمل جاد فيجب أن تتألف من ثلاثة يغيب منهم اثنان
لا تتردد في المبالغة في النفاق فكلما كانت الحقيقة فيه قليلة فإنه يصدق بسرعة
الطائرات هذه الأيام سريعة جدا فلا تجد وقتا للتعرف إلى المضيفة

الثروة تمنح الإنسان مواهب صغيرة
عندما تكون غاضبا احص الأرقام حتي عشرة قبل أن تتكلم.. وعندما تكون ثائراً جداً اجعلها مائة
تفاعل عدة عقول أفضل من إلهام عقل واحد
الحياة رحلة
في المعارك الغاضبة كل طرف ينحدر إلى مستوى الطرف الآخر
الحرية لا تمارس عملياً كما تمارس في الخطب

لا يكون حراً من هو عبد لجسده
معدة الطائر السجين لا تمتليء أبدا.. انه جائع دواما للحرية
من يفكر ولا يتكلم: غير مؤثر.. ومن يعمل بلا تفكير: خطر
إذا كنت فناناً فدع إحدى أذنيك تنصت للأرض والأخرى تنصت لقلبك
قناعتي ليست قاعدة وإلزاما للآخرين
السفراء جواسيس يعملون بتراخيص


غير مؤثر !
غير مؤثر !
غير مؤثر !

مين هيعدي صراطه بسرعه ومين فينا هيستني ..؟؟



يارب اعدي بسرعه ..

ايه العذاب ده

لا قهوة كتكوت وللا ياهو ولا هوتمايل

ولا صندوق الشات شغال للاسف // معزولة عن العالم

ايمو مفلوق من العياط

بعض الأوقات يريد الانسان ما أمامه بشدة فلا يلاحظ ما بجانبه ..


ـــ

هياخدوا حته من الجنة ..

ليه الجنة دايما في عيني "خضرا" ..؟؟

ينفع انت تكون كَمَايا
يعني زيي
يعني مثلي
يعني أي كلمة تشرح
أي لهجة
بس بيها تكون حاسسني؟
تفهم ان القلب مشروخ بالطبيعة
بالوراثة
بالـْ مانيش عارفة انت حاسس باللي قايلاه ولا لأه
بس لأه !
إوعى تيجي تِكسر الـ مكسور حَدايا
مانت عارف
قلت قابلني كمايا
حتة واحدة
خدمة ملفوفة فـ باكيدج!
ينفع أكسر منه حتة واقول كفاية عليا من ده؟
مش قبلت العرض كامل؟
أصلي بطّلت اعرف اسكت
يعني بطلت اعرف اصبر
بردو بطلت ااني اتحمّل زيادة
أو قليّل!
خِف عني الحِمل بـ الله واحتملني
تدخل الجنة بـ جناني
حد طايل؟
..

كلمة ..
كلمة توديك او كلمة تجيبك ..
من اللي قالك اني حسيبك ..
اوعي تصدق ان حبيبك ..
هتهون عليه ..

ارجع ..
ارجع و اعقل ياللي بتسمع اي كلام يتقالك عني ..
عمري ما اضيع قلبك مني..
واعمل كده ليه..
قلي الاقي انا زيك فين..
ياللي مافيش في جمالنا اتنين..
هو احنا عشرة بس يومين..
ده انا عايش ليك..
انت ..
انت حبيبي عارفني..
قبل عنيا ما تيجي عليك..
عشت سنين وانا بحلم بيك ..
بسأل نفسي انا كل ما اقابلك ..
كنت ازاي عايش من قبلك..
من قلبه عليا غير قلبك..
غيرك ماليش..
والله يحرم والله النوم علي عيني وانت حبيبي غايب عن عيني ..
دي ضحكتك دي بتخليني قادر اعيش ..

قلي الافي انا زيك فين ..


كلمة / رامي صبري
ــــــــــــــ

و لسوف يعطيك ربك .. فترضي ..

في حياتنا ..
في تعاملاتنا معا ..
لا ندري نحن ما الخير لنا ..
كنت لفترة لابعيدة لن اقول في سخط و لكن فلنقل اني لم اكن في تمام الرضا في تلك الأمور المضادة ..
بمعني اصح كنت افكر مرارا " لماذا " ..
و بعد انفرادات مع النفس ..
بعد فراق مؤقت عن الناس يلطخه معرفة بعض الأخبار ..
بعد رؤيات ثاقبة لدواخل الناس من افعالهم ..
بدأت افقه جيدا معني " الرضا " ..
اتذوق حلاوة الايمان التام بما حدث و يحدث ..
اصبحت لا أبالي .. تلك الــ لامبالاة الصحية ..
اري الأمر مهما كبر حجمه .. حلو المذاق بمعرفة يقينية ان الله يحبني جدا و لا يقضي لي الا الخير ..


هان كل شئ ..
هان الناس ..
هانت أفعالهم ..
هان حبهم ..
كرههم ..
تصرفاتهم ..
ردود أفعالهم ..
أقاويلهم ..
شائعاتهم ..
كل شئ ..

ساد توقع كل شئ من اي فرد ..
و عظم في القلب " رضا الرحمن " ..

كبرت نفسي أمامي ..
اشتاقت نفسي للعزة .. فوجدتها في استغنائي عن الناس ..
كبر في القلب تقدير الذات .. فوجدت ذاتي في الابتعاد ..

ما أروع ان يستشعر الانسان ان هناك " الله " يحميه في كل الأوقات ..


اللهم اني اسألك استغنائا طيبا عنهم ..
و امتلاء الروح بحبك ..
و طهارة العقل من اي شر ..
و ستر و عفو و رضا منك في الدنيا و الأخرة .. يا الله ..

صدقت قولك ..
فاعطيتني ..
و تعطيني ..
و ستعطيني ...


فارضي ..

إعلانات :)

إعلانات مصرية للجيب

فقرة فيلمية قصيرة .. ونكمل الإعلانات :)

عدنا ..

تعلن شركة لوّن قلبك عن تقديمها مسلسل رمضان قبل أى حد :)
وبإمكانك ترك بصمتك فيه أيضًا :)

نحن نتفرد بكل جديد ....

تابع معنا مسلسل "بلية ودماغه العالية"
على قناتى FaceBook
و Blog.M3fifi.com

هذا وونشكر حسن متابعتكم للفقرة الإعلانية, فاصل مع نشرة الأخبار ونعود

أصبحنا واصبح الملك لله والحمد لله لا شريك له لا إله إلا هو وإليه النشور
.........................
احنا عايزين ايه من الدنيا
والدنيا عايزة مننا ايه

ممكن كلنا نرجع نفكر ايه الحكمة ..عشان نرتاح

﴿ أَفَلَمْ يَسِيرُوا فِي الأَرْضِ فَتَكُونَ لَهُمْ قُلُوبٌ يَعْقِلُونَ بِهَا أَوْ آذَانٌ يَسْمَعُونَ بِهَا فَإِنَّهَا لاَ تَعْمَى الأَبْصَارُ وَلَكِن تَعْمَى القُلُوبُ الَتِي فِي الصُّدُورِ ﴾ (الحج: 46).

مضغه ليست كأى مضغه !
مما ذكر عن تفسير الايه على لسان الدكتور زغلول النجار

جاءت الإشارة إلى القلب في القرآن الكريم بالإفراد والجمع ومع عدد من الضمائر المختلفة (132) مرة. وجميع الناس إلى اليوم يعتقدون بأن القلب هو مجرد مضخة تضخ الدم الفاسد إلى الرئتين لتنقيته، وتتلقى الدم المؤكسد منهما لتضخه إلى مختلف أجزاء الجسم وأولها المخ ـ الذي لو تأخر ضخ الدم إليه لثوان معدودة لهلك صاحبه ـ.
وفي ظل سيادة هذا الاعتقاد نجد أن القرآن الكريم قد تنزّل من قبل ألف وأربعمائة سنة بالتأكيد على أن للقلب وظائف أخرى، منها: أنه هو الذي يكسب الأعمال خيرها وشرها، وهو مكان الاطمئنان والأمن أو الانزعاج والخوف والرعب، وهو محل الشهادة أو إنكارها، ومحل الخير أو الإثم، ومحل الهداية أو الزيغ، وهو محل الفهم والفقه، أو سوء الفهم واللبس، وهو محل الرقة واللين أو القسوة والغلظة، وهو محل اليقين أو الريبة، والإيمان أو الكفر، واليقظة أو الغفلة، وهو محل التعقل ووزن الأمور أو تضييعها، ومحل البصيرة أو العمى، ومحل السلامة أو الحقد، ومحل القصد والعمد، أو العشوائية والارتجال، وهو سبب الانفتاح أو الانغلاق على أيٍ من الخير أو الشر، وهو محل الخشية والإنابة، أو التبجح في المعصية والغي، ومحل التذكر والفطنة، أو النسيان والغفلة، ومحل المحبة والرحمة والرأفة، أو الكراهية والغل والقسوة، ومحل الهداية أو الضلال، ومحل غير ذلك من الصفات التي تشكل شخصية الإنسان؛ لأن أعمال العبد إما أن تطهّر قلبه وتزكيه، أو تتجمع عليه كالران الأسود فتطمسه وتجخيه.

من حين لأخر يجب ان تعود لنفس الشجرة وتجلس مسترخيا تتأمل المنظر الواسع امامك .. راحه العين فى المكان الواسع !