عندما كنا لم نكن ..

عذرا أبي ..
عذرا أمي ..
نعم انتهينا ..
نعم .. بني كل منا حياة بعيدة جدا ..
اصبح البيت مأوي فقط ..
لم يعد مكانا للروح ..
لم يعد ياخذنا الحنين للجلوس حول المائدة بل اصبحنا نهرب من مجرد المرور بجوار أنفسنا ..
ربما نبالي خوفا من مستقبل الهي فقط ..
لا أملا في ان نعود كما كنا ..
او ربنا نحن أبدا لم نكن ..
ربما عيون الاطفال لا تري الا طيبا حتي لو كان سيئا للغاية ..
نعم حتي الدفء الخارجي به مرارة ..
و لكن ..
أليس الدفء أكثر راحة من حياة بلا غطاء ..؟؟
أرائع ان اتقاطر العشاء وحدي في الظلام ..
أجميل ان يعلموا ما حتي لا تملكون فتاته ..؟؟
عذرا..
اليوم كان خطأ .. كالمعتاد ..
ربما لن يتكرر مرة ثانية ..
و لكن متساويان ..
نحن بشر .. و نخطأ ..
الكل يخطأ ..
و الكل يعتذر ..
و الكل يستغفر ..
و الله وحده يعرف من المغفور له ..
عذراعلي أشباه حياة ..
كانت ..
و مازالت ..
و قد تكون ..

صباح الجنّة

لكل :)

بس محمد بيه عفيفي هيتقتل الأول وبعدين يتصبّح عليه!!!!

دي ألوان اصطبح بيها يا محمد :(

حرام عليك والله !!

يابني سيبها سودا

كحلي كاروهات

فحلئي

بس مش أخضرات ولا اصفرات

حراااااااااااااااام

عينيا وجعتني ع الصبح!

لما اشوفك!

..






كالا..

عايزة أكلمك انهاردة :)

ربنا يكرم

اكتبي بأي لون يا ماما!

مانتي شايفة الخلفية "مكببر"

أي حاجة تليق عليها!

على فكرة احنا طبيعي نبقى بالخمول ده

عددنا قليل جداً مقارنة بالعدد الكلي لناس البوح أولاً

ثانياً لسه كتير مش عارفين يتعوّدوا هنا

والتشات بوكس مسهّل الكلام أكتر

في ناس لسه بين بين

اخليني؟

أمشي؟

هنا وهناك؟

هنا بس؟ هناك بس؟

وفي ناس بتطلّ :)

وناس مش زيي خاااااص

كانوا ناويين على اعتكاف!

ولسه مش عارفين على فين!

خير : )

المهم نفضل قريبين!

ورب العزة سؤال حد فينا ع التاني بثواب!

ولو جوّاه !

..

فين لينة؟؟؟

وريحانة؟

..

ولا يهمك يا موسى :)

تتـ عوّض

بس رد اعتبار مطالَب الدعا

تعويضاً :D

صباحكم طيب جميعاً

..

هععع

كنت بكتب بقالي فترة بالوان فاتحة قوي ورقيقة كده ..

دلوقتي اتجهت لأوان اخري غامقة ودرجات غريبة ..

من الالوان الى لو شافتهم رانيا مثلا حاسة انها حتقول بيموعوا النفس ..

بس هما عاجبنني كده دلوقتي ..

هفففف

نفساويات بقى .. ما علينا

________

ينفع أصرُخ ؟؟ أعُض المخدة .. اضرب حاجة بايدي .. اي حاجة ..

احساس الواحد لما يبقى مكتوم فيه كلام ومش عارفة يقوله ولا يطلعه وحش قوي ..

ينفع اصرخ اقوله .. ينفع ابقه وخلاص ؟؟

طيب ..بلاش دي

ينفع حد يسمع حاجة متقالتش ؟؟

متقالتش بصوت !!

حد بيصرّخ بيها بس جوة منه .. فممكن تتسمع دي ؟؟

طب بلاش ..

ينفع اعرف حاجة من غير ما أسئل عنها؟؟

ينفع أعرف جواب سؤال مسئلتوش ؟؟ أو ينفع حد يرد على حاجة متسئلتش ..

طب .. ينفع اطلع بالزمن قدام شوية .. اشوف فيه ايه ؟؟

أعرف .. فـ أستريّح ؟؟ : )

عايزة بس أعرف ..

غباوة انا عارفة .. وإلا يبقى ايه معنى الصبر ..

اصبري وبكرة تشوفي .. ولا ؟؟

بشر بقى !!

__________

مش ده السبب الى مصحيني على فكرة ..

السبب حاجة تانية .. يا رب تنتهي يا رب ..

يا رب استرها ..

مش جايلي نوم ..

حاولت معرفتش

يا رب ..

_____________

كنت حقول ..بس مش مهم

_______________

انا تعبت ..

المفروض اكون مش تعبانة ..

بس انا تعبت ..

تعبت ..

ربنا يفرج همك يا شهد .. وهمومنا كلها يا رب
اجمدي يا بنت وقاومي وحاولي تاني و تالت .. وثقى فى نفسك : )
___

رانيا .. ووحشتيني انتى كمان ..
محتاجالك .. حبة .. نسبيا ..

___

محمود موسى .. ايه ده مسافرتش ليه :p
ايمو بيضحك

____

هو صحيح الناس بتجيبا لايموشنات منين ؟

_____________________
____________

يا رب استرها ..

___________

اللهم اجعله فرج ونور قرييييب و عوض .. ونصرة ..

يا رب

________

ادعولي ربنا يسترها ..

فيه بذر مشاكل .. ربنا يستر ومتنموش ومتكبرش وتقف وتتنسف وهي لسة مجرد بذرة ..يا رب

ربنا يستر ..

_____________

انننننننن

مبحبششش كده !!

________

هما بردو ..مفيش فايدة ،،،،، ( ايمو زهقان )

______________

و على مائدةِ القوةِ أتفُلُ كلَّ بقايا الوهمِ

وأشهَد أسخفَ فخٍ ترميه شباكُ المتوسم فى الأحداث الملكيةَ بعمومتها

ويظنُّ بأن الكل سيركع ، حتى أنا !

ولـ لاء الرفض وضوح الشمس ولكن إرضاء غرور الباشا

يتطلب أن نتوسل أكثر !

ووقيعة مانسْميهم بين كلاب الضيعةِ بالحين "ضحايا" ستُعَلّم

من جاء أخيراً أن يقرأ فينا الجلد الـ لا مدروس من الحمقى لما سقطوا

إرضاء غرور الباشا لهُو أبو الشهوات فلا تترقب فيهم أملا بسؤالٍ أهوج!

لا تخبر ذاك القادم ألاّ يسقطَ حيث إذا كان غبياً مثل الباقين لحُقَّ له أن يسقطَ

حتى إن زعم لنفسه

فى هذا المبنى المدفون بأن كان الأقدم!

فبعُرف الحيَّاتِ تأكد ..

لا فرق هنالك بين الأحدثِ والأفدم !

كن أنت هنا

ستُسائلُ (مثل أناسٍ أعرفهم) عن كلبٍ آخر يأتى بعدك !

يبقى الحال على ما هو عليه .. وعلى المتضرر أن يلجأ إلى الله الذى لا ينقطع فيه الرجاء

عبد الوهاب مطاوع -رحمه الله-

بلغوه انى فشلت
بلغوه انى مت
فرحوه
انا تقديرى للامور غلط انا معنديش مستقبل انا مش بفكر اعمل ماجستير ودكتوراه
انا ولا حاجة
انا
انا
لوحدى ا وى
تعبانه اوى
مرهقة اوى
ومش مسنوده
بل فقد توازنى
مش عارفه اى حاجة ومش لقيالى طريق
ومش شايفة حاجة
مش بتمنى اكتر من موت حقيقى

,,
لا اله الا انت سبحانك انى كنت من الظالمين ..
’’

إزيكو.... :)


مساكو رحمة ربنا وتفريجة من غير ميعاد ولا وعد ولا تفكير!

كده!!
زي رزق الواقعة! :)



..



نفسي أحكي ع اليوم بس مجادراش!
ع الاقل دلوقتي لسه!

..


مااااااااااااااشي يا موسى
بقى راحت على جنابك نومة!!

إن ما كنت أ...........

مش مشكلة
"مكببر"

قدّر الله :)



أصلاً

انت الخسران يا محمود يا موسى
بس! "إيموبيغلس"


..



كان نفسي أعرف أشكر كل الناس اللي نوروا قلبي !
حسيت بجد باخواتي حواليا !


في ناس مالحقتش أسلم عليهم
وفي ناس جايين من آخر الدنيا عشان إزيك، سلام! :)

وفي ناس كلموني اخر اليوم أو قبل اليوم
او رسالة
عشان يقولوا معاكي!
كأني داخلة امتحان

في ناس غلست عليهم بشكل
واتنرفزت

كنت غبية ف مواقف بصراحة!
وشعنونة


وفي ناس حسيت بدعاهم ولو من بعد :)

..



فرحت اني شفت أختينك يا ماحي
ماجوش هنا ليه !!!!
زي الضيّ

بس مابيبانوش كتير!

..

ايمااااااااااااااااااااااااااان

يا مجرمة!
عارفة ان عندك حاجة منعتك أكيد!
بس وحشاني أد مانتي عارفة
"لو عارفة"
وطبعا
كعادة البشر اللي حواليني
مش عارفة
يا هانم!
"إيمو حب"
..





مرفت

بجد
بجد
بجد
وحشتيني!



..




مش قادرة استنى كتير
الجو حر موت

..





عندي ثقة فيك يارب
وعارفة انك أنعمت عليا بثقة :)
نفسي أكون أدها


لو لحظة رضا
تمنها كل خنقة جت وراحت وهتيجي
فأنا راضية برضاك !

يارب
اجعلني من الراضين
وارض عني!

..


تصبحوا نعمة ربنا ليا


..

كان حلم عجيب شوية .. آمل من الله انه يكون خير ..

حاجات حلوة حلمت بيها .. مش عارفة هل ده له معنى " لأنى حلمت بالحاجات دي والحاجات دي اكيد لها معنى " ولا اضغاث احلام ..

هو بس التوقيت ده .. انا بعيد فيه .. سبحان الله .. لكن الله كريم ..

مبيديناش على قدر ما نستحق .. لأنه أكرم ..

بس انا عندي أمل .. وحتشعلق فيه قوي .. وامسك فيه .. : )
لأنه امل في كرم ربنا ..

العجيب .. انى كنت بتمنى اي حاجة كده قبل ما انام .. وكان ابعد ما يكون عن ظني انه يحصل !!
فكرم من ربنا قوي انه يحصل .. بجد ..

وانا بالهطل ده الايام دي .. !!

سبحانك اللهم ..

اللهم لك الحمد .. ............

: )))))))))

الصمتُ أجملُ
قالها من إخوتى ، المتربعون على عروش اليأس
فور جلوسهم
مِن بعد أن قرؤوا بإحباطاتِ مشهورينَ
قد سبقوا إلى سُننٍ ، أنا المسفوح حين سمعتُها جَبراً
وقد رفعوا بها الأصوات .
لم يكفِ أن سَيَّرْتُها للمهملات.
هى رَكلةٌ مِنى تساقُ إلى المدى
و أقول مافى هذه الدنيا كبيرٌ قد بخلتُ بهِ
على مسرى قطار الفقدِ
قلتُ لـ كل طيفٍ كان من فجرٍ كذوبٍ
أنت أنت وإننى أبقى "أنا"
لا شىء بالدنيا يدوم ..
ولكل خلدٍ بالحياةِ تزعمته الأمنياتُ المبطلاتُ
أقول فلْتُكمل خطاك "إلى الجحيم"..
إنى إلى الأفْقِ العليةِ صاعدٌ
وعلى اليمين و عن شمالى رفقتى
قد نختلف .
قبل الصعودِ اعتَدْتَ يا مِثلى مساءلةَ الرفيقِ
تقول مبتسماً إذا ما حان مبدأُ رحلتى
ماذا ستأخذُ؟
أىَّ شىءٍ سوف تبدأ حملَهُ ليكون أول ماتقابِلُه الحقيبةُ ؟
لا تَقُل : "شيئاً يذكّرنى بخطّ الاِستواءِ"
الأرضُ ترفعُ حاجبَيْها للمدى المثقوبِ
فاقْصِرْ من حسابكَ وصفها بعضاً
إلى رُقياكَ
أيضا لا تَقُل "شرخاً سأسحَبُهُ من الجدرانِ
محتفظاً بمن صنعوا المسافةَ فى سجلٍّ مبعدٍ "
فلِضَعْفِ مايَحْوِى جدارُكَ مِن شُروخٍ
ما يُمِيتُ حماسَها
أن تُغلِقَ المَعبَر ..
فلها استِكاناتُ الزواحِفِ بينها
إن قُلتَ شَرخاً
قال يسلُخُنى عن الجدرانِ أن يلتفَّ
تقويمُ الحياةِ إلى الوراءِ
ولا تقل "نظرية التصفيق"
من فَطِنوا إليها عُلِّموا ، قد أَدركَ الباعوضُ
مِن تصفيقِ أهلِ البيت رغبتُهُم إلى قتلٍ
يُفَوِّضُهُ الملل ..
قد أَدركَ العظماءُ من تصفيق عصبتِهِم
ثناءً مصْمَتاً أرخى الستار على الجميعِ
قد استوى فيهِ الذين تَقَدَّموا ، بمن ابتَذل..
حان اختيارى
ما برحتُ بطول كفى سِترةً لليلِ غبَّرها زفيرُ
المفلسينَ ليستريحَ عنادُهم
وأنا أراقبُ من هناكَ كبيرَ من بعثوه راحَ
بخفةٍ يرتادُ "أوكازيونَ"
يطوى السؤْل عن سعرِ القواربِ
لم أعلّق !
قال بعض العارفين بأنهُم سمِعوا الذينَ تخَوَّلوا
مقهى حقيراً / أرسلوا المَعنِىَّ يَحضُرُ بالقوائمِ /
ذاك ليلٌ رائدٌ
(و كأنَّهم قصدوهُ فعلا بالمديحِ!)
الآن نُلقى ليلنا فى اليمِّ !
خوفاً / إنه قد يقطعُ الإشعاعُ من فمِّ النهارِ وريدَهُ
هذا نهارٌ قد تخبَّأَ خلفَ صخرٍ
عند أول نخلةٍ للحىِّ
ماذا ؟
هل لضوء الصبحِ أن يأتى لدينا غيلةً !
يا ليلَنا أعطِ التِزامَكَ حِرْصَهُ المألوف ..
ما كنتَ محتاجاً لأنقاضِ الدليلِ
موضِّحاً حُسْنَ النوايا ..
كل الذى فى الأمر أنك ماطلبتَ المعجزة ..
أَنْ قلتَ "فاستتروا"
وقال الناسُ "نَعرَى"..
هم يعلمونك جيداً /لئِن الْتَفَتَّ الآنَ ثانيةً
لَقام الكُلُّ يقفزُ فى مساكِنِهِ
مَخافةَ أن تَبِينَ من الخرائبِ ألفُ حُفرة..
ما كُنتَ بالإزعاجِ مُحْتَذياً
فأنت كما عرَفْتُكَ قلتَها للقائمين على عَجَل ..
يستعجلون الشَّمْسَ قبل أوانِها
قد قُلْتَها
أن سافِروا للشَّمسِ فى أقصى بقاعِ الأرضِ
حيثُ أنا هُنا
متقلداً فيكم حَمِيَّةَ مُنْصِفٍ
لا أبتغى الإزعاج / لى بعضٌ من الميقاتِ
أقضى منه ما يَقْضِى الضَّميرُ
وبعدها ..
أُعطى التَّحِيَّةَ حين أرحلُ حاملاً بين الحقائبِ
ما تبقى فى محصلتى هنالك من كرامة ..!
لا خَيْرَ فى أرضٍ تُفَسِّرُ لى رجائى
بالوعيدِ و تَحْسَبُ التِّحْنانَ قضباناً
و لَمْ تَشْهَدْ لأى الحرصِ من جهدى .. علامة!
7/7/2008

عندى اتنين مابيجتمعوش على الماسينجر أشوفهم أون لاين مع بعض أكتر من 5 دقايق !

ههههههههههههههههه

سبحان الله !

فى كل يومٍ /

رَكلةٌ مِنى تساقُ إلى المدى

و أقول مافى هذه الدنيا كبيرٌ قد بخلتُ بهِ

على قطار الفقدِ

قلتُ لـ كل طيفٍ كان من فجرٍ كذوبٍ

أنت أنت وإننى أبقى "أنا"

لا شىء بالدنيا يدوم ..

ولكل خلدٍ بالحياةِ تزعمته الأمنياتُ

أقول فلْتُكمل خطاك "إلى الجحيم"

حتي علي ذلك لم أعد قادرة ..

كلما اقسم بالتقدم للامام..
اعود للخلف بمراحل..



يارب شدني ليك ..
انا محتاجة اتوب ..
تعبت من الذنوب..

رجعت لاسمى تانى وحشنى اوى وكأنه وطن
يااااااااااااااااااه
................
عندى امل انهارده
يا ريت ميضعش زى كل يوم اول ما الوقت يعدى 5
...................................

صباحكم معطر بالورد والفل والرياحين يا اهل المدونة .

حين لا تستطيع الصبر !!!

__________

هي الناس فقدت الإحساس بالجمال ؟؟ ولا فيه سبب تاني لده ؟؟

ليه الناس تتحول لمكن لمجرد ان كل حاجة فى حياتها ماشية بطريقة المكن والـ لا عواطف ..

ممكن تبقى زي ما انت .. س تستمتع بالجمال حواليك .. الطبيعة الى مفيش احلى منها ..

ليه لما ركبت القطر الناس كلها كانت بتقفل الستاير ؟؟ حتى لو مفيش شمس ومش نايمين ؟؟ !!

هو شكل القطر من جوة مسلي او حلو ولا حاجة ؟؟ !!

مكنتش قادرة افهم ولا مصدقة ان كل القطر قافل الستاير ..
الفكرة ان كرسي كان مش جنب الشباك .. وكل ما ابص من حتة شباك صاحب الكرسي يقفل الستارة فوشي ..

ده انا بعشق السفر بالذات عشان المسافة الطويلة الى كلها مناظر وشباك دي ..

منظر الخضرة .. المية .. الترعة ز.القرى ..المسااحة الخضرة للقرى مع الحيوانات .. ومناظرا لبيوت .. واجمد حاجة لما يعدي من ع النيل .. روعة جداااااا
انا بس مكنتش قادرة استوعب ازاى الناس مش حابة تشوف كل ده.. ( وهو حريتهم طبعا )
بس الى استغربته " الإجماع " + ان ازاى منظر القطر احسن يعنى !!!!

طب ليه الناس فى الجنينة والبحر بيرموا زبالتهم ؟!!
هما اصلا بيستمتعوا بايه ؟! مش بالمنظر ؟؟ طب ما هما بيشوهوه اساسا ..

____________

بــعــــشــــق منظر الشوارع باللــــيــــل .. تـــحــــفـــــة ..

بالليل قوي .. والناس شبه مفيش .. والاضاءة خفيفة .. شكل الشارع يجنن ..

وهدووووووء .ز والصوت بيسري .. واصلا حتى الصوت وقعه مختلف ..

بيبقى نفسي امشي كتييييير .. وبستمتع قوي ..

والهوا بيبقى نقي جدا ومنعش مفيهوش تلوث ..

بجد للي جرب .. بتبقى تحففففة ..

بس بجد بحب الدنيا قوي بالليل متأخر والدنيا هادية .. وفى الصباح البااااااااكر والدنيا نورها نور هادي وبردو مش زحمة وفيها ناس قليلين جدااا
ونور الشمس مجرد إضاءة حلوة .. مش حامية لسة ولا مزعجة .. والهوا منعشش بشكل .. فرش قوي .. لسة متلوثش ..

______

طبعا مش محتاجة اقول ان مرات الـ بالليل دي كنت مع بابا مرات قليلة قوي .. لما بضطر لظروف اتاخر عند اختى وبابا بيروحني بالليل .. او في رمضان في سنة من السنين

مرات نادرة ..بس بتسيب جوايا احساس راااائع ..
ومع ذلك هو خطر .. وببقى خايفة مع اني مع بابا .. الا فى مرات رمضان .. احساس الأمان كله فى رمضان ..

يمكن أكون محتاجة ابطل شوية اتكلم واحلم وابدأ انفذ ..

محتاجة ابطل شوية افكر واتكلم واهبل .. وابدأ انفذ ..

كفاية كلام بيني وبيني وابدأ اتكلم وافعل .. ع الملا .. بصوت عالي ..

إف
إنتى ايه الى موقفك ؟؟

ما علينا

هفففف
___________-

وإن طاااال الـ.... عليا ..لازم اضغط عليا .. وأ عــ ــد ي !!

_________

لو ...

يااااا يا هل ترى ..

يا هل ترى مسموح ؟؟

ده انتى الضيا ..

_____________

عشوائية ..

مجرد اي كلمة في أي حاجة ..

كلمة م الشرق على كلمة م الغرب ..

هكذا البوح ..

ضربات عشوائية ..بالكلمات .. تفرغ " بعض " ما في القلب أو العقل .. على استحياء .. على اختلاف نوعية وموضوع الكلمات

__________

أنا بهييس على فكرة !!

عادي يعنى

الجرح يدمي الحب .. حتى يقتله ..
هكذا يموت الحب ..
هذا ما تعلمته ..!!

__________

أينك .. ؟؟ !!

---

... و أخشى أن.. تعشق موجة أخرى ..
وتهجر دفء شطآني ..
فـ يسقط كالمنى إسمي.. ويتوه عنواني !!
..
وأخشى أن أبدو كالبُلَهاء !!
_____

وأخشى أن يجرح البعد .. القلب !!
فيُدميه .. فيُقتل!!

فتُصبح عادي !!

_____________

حمقاء أنا ..

مجنونة .. عاقلة .. !!

___________

أينك ؟؟

أ أكون ؟؟

أم انا من البلهاء .. والحمقى ..

!!!!!!!!!!!!!!!!!

__________

عزيزي القاريء ، لك ملحوظة :
إن حاولت تخمين ما أعنيه بكلماتي .. فتخمينك خاطيء حتما.. فاسترح .. !!