الحياة حلوة

أنا مش ف دماغى حاجة دلوقتى, بس أنا مبسوط إنى بشترك معاكم, علشان الجو دا عاجبنى موت ..

جمّعولي شوية دعا انا كمان اوي

هاغيب شوية

وارجع بإذن الكريم




عيانة
متوترة
وتايهة
وسايباها على الله

بس
..

تصبحوا ع جنّة

نفسي.....ارتاح اوي اوي

يااارب ॥

راحه من عندك

ياارب

ارزقنا الرضا بالبلاء

والصبر عند القضاء

ادعولي

حد قرا الواقعة "بجد"
حد شاف وصف جنة السابقين؟
بلاش..
"أهل اليمين" طيب!

يا الله!!

على سرر موضونة = مشغولة بالذهب والأحجار الكريمة/ ملفوفة ومشغولة بيها !
متكئين عليها متقابلين= مش ورا بعض! مش صفوف محدش شايف حد
"يعني احنا هنشوف بعض!"

طب ودي..
"لا يصدّعون عنهاااااا"..!!!!! مفيش دوشة
صداع
زعيق!

"لا يسمعون فيها لغوا ولا تأثيما"!

سدر مخضود؟
طلح منضود؟
من غير شوك!!

يا كرمك يارب!

وظل ممدووووووود!!
وفاكهة كثيرة!
لا مقطوعة "بمواسم مثلاً"
ولا ممنوعة "لمرض مثلاً"!


حد قراها دي؟

حد وصف الجنة "أحلى" من كده!
حد عايز اكتر من كده!!!



يارب اكتبلنا جنة.. إن ماكنش جنتين : )
وانت الكريم!
اجمعنا فيها
..





صباحكم جنّة الرحمن : )

في سِن متساب
بيخدش لساني


هو في حد بجد ينفع تسند عليه "بتُقلك"
غير ربك
فـ أهلك؟
حتى مش كل الأهل!
يمكن أمي بس!

معتقدش حد تاني اقدر اتوقع انه يستحمل سندتي
ومش بكامل تقلي كمان : )

يبقى مالوش لزوم نتمنى كتف نسند عليه واحنا عارفين اللي فيها : )
محدش!




وحدك سندي يا رب : )

ماذا تفعل لو كنت مكاني !!!!

عاااااااا

____

حفقد صوابي !!

مش عارفة ..

غلط ولا صح ..

بس بردو .......

مممممممم

مش قادرة اسكت اكتر من كده ..

فيه حاجات لازم تتعرف للمعلومية ..

مش افضل بردو وضع النقط فوقا لحروف ؟؟ !!

ولا انا بخرف .. ودي تخاريف سخونية ززاو ايا كان ؟؟ !!

وِحدة
: )

خير..
هو احنا مش قلنا مفيش مساند حديد؟ : )

بخاف جداً
من قدرتي على الخداع : )

حرام عليا !
..


مش عايزة اتشاف جميلة الروح
وانا مدهونة!

يارب.. اجعلني كما تحب.

أيا عزَّ صادي القلبَ حتى يودَّني فؤادُكِ أو ردّي عليَّ فؤاديا
أيا عزَّ لو أشكو الذي قد أصابني إلى ميِّتٍ في قبرهِ لبكى ليا
ويا عَزَّ لو أشْكُو الذي قَدْ أصَابَني إلى راهبٍ في ديرهِ لرثى ليا
وَيَا عَزَّ لو أشْكُو الذي قَدْ أصَابَني إلى جَبَلٍ صَعْبِ الذُّرى لانحنى ليا
وَيَا عَزَّ لو أشْكُو الذي قَدْ أَصَابَني إلى ثَعْلَبٍ في جُحْرِهِ لانْبَرى ليا
وَيَا عَزَّ لو أشْكُو الذي قَدْ أَصَابني إلى موثقٍ في قيدِهِ لعدا ليا

كثير عزة

مرفاااااااااااات
سلامة قلبك
بعد الشر عنك!!!

..




شهد..
هو انا معيش رقمك؟؟؟
وحشاني!

..




قدّر الله يا محمود : )
حدّ عارف الخير فين!!!
دايما بيبان "بعدين"
سبحانك يارب!!

..



لينة
يا مجرمة
هاشوفك قريب ان شاء الكريم : 9

..




دودوووو..

مالحقناش !!

..

وحشتوني أد كتير أوي!!

يومين غايبة

دوامة؟
لأ..

يمكن تغطيس دماغك تحت المية بتفوّق ساعات ! : )

لك الحمد حتى ترضى
ولك الحمد إذا رضيت
..




مساكو جنّة
..

انا خايفة قوي ..

مش عارفة اعمل ايه عشان اطمن .. او انجز .. او .. او اي حاجة ..

خايفة ..

مش عارفة حفضل كده لحد امتى ؟؟ !!

وطبعا ولا اعرف آخرتها ايه ..

ما انا خايفة من آخرتها .. وم الاوهام

وخايفة لـ ........... !!

تاني

بين أشواقٍ تُدَثَّر ..
بين بُرهانٍ تَعَثَّر ..
بينَ أحلامٍ طِوالٍ لا تُفَسَّر ..
بين بُشْراى الذى أعنيهِ نَوعاً /
و التحَسُّر ..
بين أكمامِ الوُرُود.
بينَ قُرصِ الشمس يغدو طازجاً
يستمرىء الجوعى على أقصى رصيفِ
الصومِ من ليلٍ / بُروقٍ / و رُعود
بينَ جاروفٍ تَوَلَّى نزحَ بارُوكاتِ جَدْبٍ
عن حواسِ الأرض /
عن أقربِ وَصلٍ للوجود ..
..
ذاك قَلْبِى ..
مَسْقَطٌ للذبذباتِ ازَّاحَمَتْ مِن حولهِ الشاراتُ
تجلو عن مذاقِ اللوحةِ الشَّقْراءِ أطيافاً كحُولية ..،
قبل أن تغدو رؤىً شَوْهاءَ لا تُسْمِنُ طَرحاً مضمحلاً
أو بِحالِ المُكثِ تُغنى عن كثافة ..
ذاك تعريفٌ حَديثٌ للرهافة ..
أو لِقَلْبى !
كُلُّ تَقريرٍ إلى دُنياهُ سهلٌ
لا سكرتاريا تُوارِى بابَهُ !
لا فَصْلَ يُسْمِيهِ البَريديونَ مِرسالاً
أنا و الشِّعر و البحر اتَّفَقْنا
حيث وأدُ القوقعة ..
بيدَ أنّى حينما أختصُّ أرضاً بالرعاية ..
حُقَّ ألاَّ تَخدَعَنّى
أو أراها خَيَّبَتْ بالنَّبت ظَنّى
نابِتٌ :
قلتُ فلتَكْسِرْ من الغربانِ عيناً
جَرَّها خَدٌّ صَعِر ..
أبلِغ الغيطانَ –أو إياى- عن شىءٍ
ردىءِ المُكْثِ
لا تَتْرُك لحَكَّائِينَ إقْحامى بمأساةِ اكتشافٍ
صادِمٍ ..
كَلِّل الخُضرَ من الأوراقِ شوكاً جائزَ الإطراقِ
مَدفوعَ الخَطَر ..
أو لا خَطَر !
إن رأيتَ الضوءَ و السُّقْيا مَذاقاً خانقاً
مُرنِى أُوَلّ الظَّهرَ
مُرنى أُلفِت الوِجهةَ / قد أشربُ مِن ماءِ المُحيطِ/
الأمرُ جائز!
طالما يطفى من البركانِ حَلقاً مُشْفِقَ الأنصابِ
أو يروى تُراثاً يابساً ..
هل مِن خَطَر ؟؟
قد كتَبْتُ الآنَ : بل كلُّ الخَطَر ..
أن أرى الخُضرَ من الأوراقِ فى صُفرِ ابتِسامٍ
بسمةٍ صفراءَ / أغصان تُنيخُ الظِّلَّ
أن يُخفى من الغربانِ صِبيانَ الوزارة ..
ليت لى بالشأن قلباً
كَفَّ عن أشياءَ إنْ تُبدَ لهُ :
يُغبِطُ الصَّمَّاءَ مِن نَحْتِ الحجارة
..
19/7/2008

ياترى يا بكره مخبى ايه ؟؟؟
خير نستعجلك بيه
ولا نعيش اليوم وخلاص ونلحق اللى فاضل منه ......

كان عندي شعور رهيب انى حدخل الاقي مفاجآت ..

ما بعرف ليش ..

ممممم

ينكن عشان بعدت عنكوا يون بحاله

كان على عيني

بس دخلت لقيت كل الامور مستتبة .. عاااادي جدا ..

بس لساتوا عندي احساس غريب !! : )

الحمد لله .. بقيت احسن دلوقتي وحرارتي نزلت شوية ..

كان يوم صعب قوي .. من بعد الفجرو انا حرارتي عالية .. اعمل كمادات وبلاوي وتستمر فى الارتفاع لحد ما وصلت ل39 و8 شرط ..

ونمت وقمت وهي مصمصمة انها تلعب في ال39 فما فوق ..

اخيييييرا نزلت بقت 38 و4 شرط ..

من شوية بس بدأت احس انى بدأت افوق ..

وطلع لي صوت اخيييييرا وقمت م السرير بعد ما كنت مقضية طول اليوم في السرير لما دماغي وجعتني ..

الحمد لله رب العالمين ..

ايييه دلوقتي بدأت احس بالدوخة..

ما علينا

كيفكم ..

صحيح ،، المشكلة الى كانت فى الناسا لى حوالي اعتقد يا اتحلت يا في طور انها بتتحل

الحمد لله رب العالمين ..

فاضل الحاجة الى تخصني .. ادعولي ..

وادعوليا لحرارة متطلعش تاني ..

كان يوم عصيييب .. لكن الحمد لله

بعتذر من قلبى لكل حد كلمنى على الماسينجر امبارح ومارديتش

أو رديت بشكل مش هو

أو ختمِت وخرجت

أو اتصل عالموبايل ومارديتش

أو اتصل ولقاه مغلق

،

الموضوع باختصار ان السبع سنين بتوع تجارة

اتّمّنوا

،

ولسة معاهم فى الكلية شوية !

،

و ده بعد أقل من أسبوع من وفاة صديقى وبعده جدّتى

وانا واثق ان كل واحد كلمنى ملتمس لى العذر ف موقف زى ده

،

شاكر جدا لكل حد دعا دعوة أنا واثق انه كان بيدعيها لى من قلبه

ومؤمن جدا ان مافيش دعوة من دعواتكم هتروح على الأرض

،
كما قال الخطابي : (وإن لم يستجب الله له يعطيه سكينة وانشراحا في صدره أو يصرف عنه من السوء أو يدخر له من الأجر مثلها، وعلى كل حال فلا يعدم فائدة)

،

أو كما قال ابن باز رحمه الله: قد يظن الإنسان أنه لم يجب، وقد أجيب بأكثر مما سأله، أو صرف عنه المصائب والأمراض اكثر مما سأله، أو ادخر له إلى يوم القيامة

،

جزاكم الله خيرا

وأسألكم ألاّ تقطعوا من الدعاء شيئا

وأراكم على خير بإذن الله

ناس بتمشى وتسيب فضلات مشاعرها أحزان ف قلبك

..

لا تعليق!

...

Loreena McKennitt - La Serenissima

مغنية بتلحن ويتألف أغانيها
صوت هادي وعبق نقي
بيحسسني بفيروز بس كندية

ماقدرتش استحمل!
آه
..


كل كلمة من حد فيهم عزيز عليا اوي
ومش قصدي اضايق حد
ومش قصدي الوم حد
الظاهر انتو اغلي مني عندي : )

..