امتى هنقول خلاص ارتحنا
يعنى اخرتها امتى
محدش يقولى يوم القيامة .. الله يرضى عليكم
ـــــــــــــــــــــــــــــــــــــــــــــــــ
بصراحة محناش بتوع مسؤلية وكلام كبير من ده
احنا عايزين حد يتبنانا من اساسه
عشان كده ..........
اه حد عنده مانع
حد شريكى لا
انا حـــــــــــــــــــــــــــــــــــــــــــــــــــــــــــــــــــرة بقى
ومش هتنازل عن حقــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــى

خلاص ..
بجد كفايه ..
لازم ابدأ الاقي حل ..
لازم ابدأ اشوف اي حد بقي امسكه كده في قعدة و احكي ..
احكي بجد ..
كل حاجة بجد ..

اقول كل حاجه في الدنيا ..
امسك كل اللي مزعلني و اقول ده زعلني هنا .. ودي عملت كدا ..

ابوح ..

بس ابوح كلام مفهوم مش كلام دايما يتسأل : يعني ايه ..

لا ابوح بأسماء و أحداث ..

بس اختار مين ..
المشكلة ان كل واحد مربوط بواحد تاني ..

يعني ممكن اكرهه اللي هحكيله في الناس اللي بينا كومنيكشن ..

طب اعمل ايه ..
ومين ياتري الأهل بالثقة عشان يتحكيلوا ..


ولا هسكت اوي ..


ـــــــــــ


خليي الناس تدوس اوي يا لينة ..
خليهم ..

بالقوي ..

فى تاريخنا يا إبنى شرف الوصول للنصر, أهم من النصر نفسه !

جد يحيى المصرى - من فيلم الحاسة السابعة

ياما فيه حاجات رهيييييبة .. بنبوحها بيننا وبين نفسنا .. ومبتتكتبش هنا ..

حد حس ؟؟؟

ياما فيه كمية مشاعر رهيييييييبة .. ممكن نعبر عنها بكلمة هنا ..

لكن امتى الكلمة كانت بتنقل كمية الاحساس ؟؟

محدش حيحس !!

مشاعري تخصني احيانا !!

واحيانا .. ببقى خلصت المود ومش عايزة ارجع اكتئب تاني

كمية ألم ..

حد حس ؟؟

انا قلت مش حدخل هنا " النت "

وحعتزل فترة ..

اهدي .. ارتاح .ز او اتعود

حتى حين .. وبعدين ابقى ارجع

قلت طيب ابص ومتكلمش

في الآخر اتكلمت .. !!

مليش كلمة مع نفسي انا تقريبا ..

وقلت حبعد قوي وجدا ومش حنطق ولا اتكلم .. لقيت نفسي بتقولي ابعتى !! اتكلمي !!

عبيطة قوي .. مش قلت حبعد قوي ؟؟

مليش كلمة مع قلبي !!

عبيطة قوي ...

_________________________

" عارف الى بيطيروا بأحلامهم في السما بيحصلهم ايه ؟؟ "

" أيوة عارف .. "

-- ايوة عارفة .. بيقعوا من اعلى مكان .. ويرتطموا بالأرض ..
زي الحمام .. !!
قتلة ..

اهو ده الى بيحصل فعلا

____________________________

" بس أنا مقدرش اسيبك .. عشان لو سيبتك حبقى لوحدي ..
مش عايز ارجع للاكتئاب تاني "

من اكتر الجمل الى اثرت فيا في الفيلم .. !!

هي ومواقف تانية ..

_________________________

آديني منفذتش حاجة من الى قلتها !!

الا حاجة !!

لما اشوف !!

_________________________

قال / قالت " أأسف على الإزعاج !! لقد أحببتك !! "

>> دي بعيدا عن الفيلم
دي قصة قصيرة .. من جملة واحدة ومنظر واحد !!
______________________

حتعمل ايه لو يوم صحيت ولقيت ..
اقرب ما ليك في الدنيا مش حواليك ..

--

انا زي ما انا ولا اتقسمت اتنين ..

وبعديييين !!

--

هو انت مين الى عمل كده فيك .. !!

مش انت ولا فيه حد غمى عينيك ..!!

وبعدييييين !!

______________

بنقرب قوي .. قوي .. وبنبعد !!

بنحاول نطير لفووووق بجناح ضعيف ..

-- هى الاغنية بس بعد التشويه عشان مش فاكراها !!

____________________________

وبس كده ..

بتمنى محدش يقرى حاجة

عشان منيش فايقة اشوف ايه يتقال وايه لأ وايه الناس تعتقد منه ايه !!
وانطباعاتهم !!

__

ده بوحي .. يخصني انا بس ..محدش له فيه

_____

رغبة في عدم الصحيان .. ومليش نفس ..

فقدان للذاكرة .. فقدان قلب ..

حالة صمت

مفيش ضحك

بسسسسس

ولا صوت ..

مطر و عصفور مطرود ارتعش ..

مطر ..
وعصفور ارتعش ..
و من ايديكي الطيبة طلب الأمان ..
ايوه بحبك ..
اه بحبك من زمان ..
يا صاحبة القلب الرقيق ..
خبيني من مطر الطريق ..
عصفور انا ..
عصفور أنا ..
طردوني من كل الشجر ..

خديني في عش الحنان ..
ونشفي شعر الجناح من المطر ..

ليل بعد ليل ..
ونجم ورا نجم اتحدف ..
و انا بغني لكن لوحدي للاسف ..

لحني الجميل مش لاقي انسان يسمعه ..
ياريته ما اتغني ..
ياريته ما اتعزف ..


ازاي اغني للربيع تحت المطر ..


مطر / للرائع علي الحجار




ــــــــــــــــــــــــــ

ـــــــــــــــــــــ






الاغنية رائعة بجد ..
اول ما سمعتها امبارح شدتني جملة " عصفور انا .. طردوني من كل الشجر" ..
هي دي اللي خلتني افوق ان فيه أغنية جنبي مفتوحة .. فيه حاجة بسمعها ..

و رجعت بالليل أول ما قعدت عالنت اول حاجة جبتها عشان اسمعها و اركز فيها جامد ..


يعني كل اما احاول اقول دي احلي جمله في الاغنية الاقي جملة تانية بتبهرني بزيادة ..


مجرد التركيز في كل حته في الاغنية ..

تتسمع و الواحد مغمض عينيه ..
فيشوف المطر بيننزل ..
و ادي العفور الاصفر الصغير بيرتعش ..ارتعش .. رعشة سريعة مفاجئة مؤلمة ..
بنوتة حلوة حس في ايديها هيلاقي الامان ..
بيطلب منها تخبيه من مطر الطريق ..

"في رأي المطر هو رصاص الناس .. الناس " ..

العصفور الحزين طردوه ..
من كل الشجر ..
كل ما يجي يقف علي شجرة يطردوه ..
يحدفوه بالطوب ..
بالرصاص ..

بقطرات المطر ..

بيغني ..
مهما طردوه بيغني ..
بس صوته الجميل .. روحه البريئة اللي كلها في زقزقة ..
بيغني .. اه بيغني .. بس لوحده .. اوحده اوي .. طول الليل لوحده .. ليل ورا ليل ..
محدش بيسمعه ..

وصل بيه اليأس انه يتمني ان ياريته ما اهتم بانه يغني ..
ياريت لحنه الرائع ما اتعزف ..

و لسه ..

مطر ..
و عصفور مطرود بيرتعش ..


ــــــــــــــــــــــــــ ـــــــــــــــــ

متغنيش يا عصفوري ..
و متستخباش بين الشجر ..
طير..

خليك حر ..
طير فوق اوووووووووووووي ..

حاول تتفادي المطر ..
و عيش ..


يمكن توصل فوق للقمر ..
تلاقي صاحبة القلب الرقيق ..
بعيد عن المطر ..



مطر ..

لا تحدثوني عن الناس ..

يكفي جدا ..

عذرا ..

لا عائلات ..

لا أصدقاء ..

لا أخوات ..

لا بيوت ..

لا شئ ..

و انما صناديق ..

فقط ..

ما المشكلة في السفر .. بلا علم جميع بيوتنا ..

ما العيب في الانتظار .. بلا اي اهتمام ..

و لماذا الزعل ..

عندما تتعاملون مع بشر ..

دماء ..

قلوب ..

تخاصموا ..

و انزعجوا ..

ولكن بما انكم تتعاملون مع أوراق كرتونية ..

مع مكعبات صندوق ..

لا تتنازعوا ..

ولا تعلقوا ..

اصمتوا فقط ..

وحاولوا ان تفكروا ..

لماذا وصلنا لهذا الحد ..

كلنا سببا لهذا ..

كل منا وضع جزءا من الصندوق ..

لا أحد يهتم ..

لا أحد يبالي ..

الكل فقط يشتاق لنجاحه ..

يحلم جدا بأن يكون اخر من يكون قبل الطوفان ..

و لا يهم غيره ..

سيفر .. وماذا في غرقان الاخرين ..

عذرا .. من الاخرين في الأصل ..

هو أصلا لا يعرفهم ..

هو أصلا لا يهتم ..

أتدرون ..

لا أحد يدري ..

فالصناديق أبدا لا تفهم ..

و لا تشعر ..

و لا تدري ..

ولا تهتم ..

و تبقي ..

صناديق للأبد ..

عندما يرضى الله عن العبد .. يملأ الله قلبه نورًا من نوره .. فيرا به الحق حقًا والباطل باطلا ..

وإن اليهود كانت لهم عين لا يبصرون بها ,, ولهم آذان لا يسمعون بها, إنها لا تعمى الأبصار, ولكن تعمى القلوب التى فى الصدور ..


فإن البصيرة هى عين المؤمن, ولو كان أعمى .. يرا بها الخير فينهل منه, ويرا بها الشر فيبعد عنه ..

_

تحضير للحلقة الرابعة من سلسلة (لا للكآبة)

قلب جديد يحكي .....

قلوب تحكي ...
و ها انا انضم لتك القلوب ..... و ها انا احكي ......

يزعجني امرا عجيبا ..... حينما تنفصل عربتي عن باقي عربات القطار ......و تقل سرعتي تدريجيا ... حتى اتوقف ..
اجد نفسي وحيدا ....... و تمضي على الاوقات ... و انا فى نفس مكاني .... ياتى الليل و يطلع الصبح و انا كحالى منقطع عن العالم الخارجي الذي احبه .... اظل محصورا داخل دائرة نفسي .... اشعر بوحدة قاتلة .....

و لكن جاء الوقت و تمنيت فيه ان يبقى حالي كذلك فاصبحت فى حال اخر اشد قسوة مما قبله ...... فاصبحت ابحث عن نفسي .....فلم اجدها .... تاهت عني ... اين انا .... اصبحت مشتاقا لها ... حنيت لايام كنت اختلي بها فى جلسات خاصة مع عقلي .. نتدبر امورنا ..... و نعيد كثير من الترتيبات ..... نفسي ...... ارجعي لى مرة اخرى فلن اضيعك .... اعدك بذلك ........ صدقيني يا نفس ..... صدقيني ...

و اذ انا على هذا الحال فاذا بقطار ياتى خلفى يمشي الهوينة يدفعني برفق ثم يسرع بي حيث ياخذني الى اقراني من جديد و ما البث الا ساعات حتى لحقت بهم و انضمت عربتي الى باقى عربات القطار من جديد بل و انضم الينا اصدقاء جدد .... نعم بها من حياة ......

صباح معطر بعبير الزهور
ونسمات الصباح

ونقاء الندى

هي المشاعر .. تسوى قد ايه ؟؟؟؟

وليه بنعاملها وحش كده ؟؟ و نسيء تقديرها واحترامها ؟؟

وليه مبنديهاش حقها !!!!!!

متذبذبة .. مترددة

شوية فوق وشوية تحت

شوية ىه وشوية لأ ..

في الآخر .. معنديش اي تخيل او توقع لتصرفي حيكون ازاى !!!!!!!

معنديييييش

انا ممكن افاجيء نفسي جدا .. وممكن مفاجأهاش

ممكن اعمل حاجة كبيرة او لا شيء او نص نص

في الآخر حتصرف ازاى .. ده سؤال انا معرفش اجابته اصلا !!!!!!!

بس لازم في الآخر اتصرف كـ " أنا " !!!

تيجي ازاى معرفش

يمكن انا دي تكون غيرا لى اعرفها .. تفاجئني .. وممكن تكون اننا الى اعرفها وممكن تكون غير

معرفش حاجة

انا مش عارفة حاجة

ولا اقدر اتوقعلي تصرف !!!!

بجد

الله يستر

------

انا اتنصحت نصيحتين عكس بعض في يوم واحد

وانا اصلا محتاسة

اعتقد في النهاية ان تصرفي حيكون عشوائي جدا .. أي .. بظروفها : )))))))

صوباعي

وااااااااااااااااجعني

أوووووووووي!

كراي

كراي

كراي

..

الحلقة الثالثة - فطرة طفل

هل نتذكر حملة لا للكآبة ؟

تلك هى الحلقة الثالثة .. نتحدث عن الأطفال ,, وخاصة تحت 3 سنوات :)


أتعلم منهم الكثير, لأن فطرتهم ما زالت بكرًا, لم تتغير بعوامل البيئة..

كانت أمى تقول لى دائمًا : الطفل لا يفتح فمه ليضع فيه لقمة أخرى , إلا إذا بلع ما فى فمه, فوضعت الطفل من يومها تحت المجهر, أدرس عاداته, وحركاته, وسكناته ..

وجدت مثلا أن جلسة الطفل عندما يتعلم الجلوس, بظهر مستقيم
دكتور إبراهيم الفقى كان يتكلم عن الطفل أيضًا قال : الطفل لا يكتئب أبدًا , لأنه يعيش اللحظة, لا يفكر فى لحظات الماضى المحزنه, تبكيه وقتها وينساها

وأنا أكمل, ما شاهدته فى هذا, هو يستفيد من الماضى بخبراته, ولكن لا يتذكر لحظات الحزن, فلو أخذ لسعة كبريت, فإنه سوف يبكى وقتها, ولكن بعد ذلك لو رأى الكبريت حذر منه, ويستمر فى اللعب, والفرح والمرح, ولا يؤثر عليه هذه التجربة إلا بخبرتها, فهو يحذر من الاقتراب من النار بدون عُقُد !

الطفل مدرسة لتعليم الفطرة السليمة .. يتدخل العالم من حوله ليرسل إليه الرسائل السلبية, بدلا من أن يحافظوا عليه ويبعدوا عنه ما يضره من طريق مشيه, يبدؤا فى تعقيده من العالم الخارجى

قال الدكتور إبراهيم الفقى : الطفل عنده كل شيء متاح وكل شيء مسموح ويجرب العالم كله بلا خوف, إلى أن يخوفه أهله ويغرسون فيه عقداتهم ..


فهلا تعلمنا من الطفل الأمل فى الحياة
فليست هناك فشل, ولكن هناك تجارب يتعلم منها الإنسان

فليست هناك فرص تضيع أو تكسب

ولكنها تجارب فى الحياة, إما ان نكسب فيها, أو نكسب خبرتها, فنحن بين مكسب ومكسب :) .. وإلى لقاء قريب فى الحلقة القادمة ,, وأنتظر اقتراحاتكم ومناقشاتكم

يكفي تكسيرا في الأكواب المشروخة ..


أكواب مكسورة ..
و رومانسيات فارغة ..
و ..



لا شئ ..

صباحكم جنّتيــ ــن

هنا وهناك : )

..

.

.

رزق واسع وخير

وادعولي أخفّ بقى

ولو انه رزق بردو : )

حدّش عارف!

.

.

.

ربنا يكرمك يا ضحى يا عزيزة

وييسرلك الخير اللي ماحلمتيش بيه عمرك..

..

.

.

.

عايزة آيس كريم ميجا !!

..

.

.

أملي فيك يارب

وبس

وبس

وبس

بس انا بقيت حد لا يمكن احتماله

ربنا يعين اللي معايا : )

..

.

.

..

مبسوطة أوي أوي بامبارح

ومبسوطة اني شفت أخويا من كتير وقعدت معاه !

يا الله!

ويمكن مبعوت من رب رحيم علامة!

..

.

.

الحمد لله..

..

مرفت

شهد

لينة

وردة وحضن كبير

في ناس غايبين ليه !!

يقام عليهم حدّ القلوب! :)

أولهم دنيا اختي

وماحي

واحمد اخويا

وريحانة

وباقي العيال!

هاتوهم!

ان غدا لناظره قريب

مش شايل هم دنيا .. أنت أصلا أحلي دنيا ..

كانت مرهقة جدا .. فأول مرة تجلس في الجامعة حتي ذلك الوقت المتأخر ..
و لكن لكل مجتهد نصيب .. لذلك كان واجب عليها ان تجتهد ..
ولحسن حظها وجدت بين كراسي الميترو كرسي يرضي و يقبل باحتضانها ..
فجلست و اراحت رأسها مستندة بها علي يدها ..
و اغمضت عينيها برهة ..
و فجأة ..
شد مسامعها ضحكته تلك البريئة كضحكة الأطفال ..
فنظرت له و ابتسمت من جمال الضحكة ..
نظر لها و ظل بعينيه يسرق نظرات عليها و يبتسم في خجل ..
وتبادله في السرقة ..

"بداية قصة حب" ..

و تمر اللحظات ..
وهم علي هذا الحال ..
حتي جاءت محطة نزولها ..
فقامت و اقتربت منه ..
وهو يجول بعينيه بين ثنايا وجهه يترقب حركتها القادمة ..
واقتربت أكثر و أكثر ..
حتي لامست بيدها وجهه ..
وقبلت رأسه ..
ومنحته قطعة حلوي و بالونة ..
و رحلت ..
و لم تنسي ان تسرق نظرة عليه ..
وهو يراقبها و يضحك ببرأتهم المعهودة ..
و انغلق باب الميترو ..

صباح مشرق بالامل

صباح معطر بعبير الياسمين

صباح نقى كحبات الندى .

الكدب طبعه يخون .. الصدق ميخونشي
والكره يوم بيهون .. الحب ميهونشي

--

فوق الجبين مكتوب .. الخطوة فين تمشي
تندم قلوب وتتوب .. وقلوب متندمشي

--

صدقني يا صاحبي ..
إن خفت متقولشي .. وإن قلت متخفشي

--

صبرك على المقسوم .. يا صاحبي متخيلشي
ده كل شيء له يوم .. زي السحاب يمشي

--

إمشي فـ طريق الخير .. في الشر ما تمشي
دي الدنيا بحر كبير .. والحال مبيدومشي

________

مقتطفات من اغنية صدقني يا صاحبي .. احمد منيب الله يرحمه

هي تقريبا كل كلمات الاغنية لكن بدون ترتيب

تحفة

الراجل ده تحفة .. ربنا يرحمه

ولكن ايا كان .. الصدق يساوي كتيييير

كتييييييير قوي ..

سواء صاب او خاب ..

في الحالتين غالي قوي .. وجوهرة

______

قد ايه ساعات بنبقى على يقين من وهم !!

وقد ايه ساعات مبنصدقش حاجة .. وهي حق !!

______

يا مسا الهلاوس