لقيت الفيلم ده عندى عالجهاز
بجد روعة ..
اصرار الفرس ده على انه يبقى حر
رغم محاولة اسره اكتر من مرة
لكنه كان رمز للشجاعة والقوة والكرامة
واختار حياته بنفسه
.........................................

هافطر يا ولااااااااااد !!

لأ وفول!

من على عربية!

وتين شووووكي!!

بتجيبوا السمايليز اازاي يا عيال!

..

ربنا يهديكي يا معدتي بس!

صباحكم جنّة

"بتعطيش الجيم.. ورَويْ قلوبكم برحمته" : )

..

كن كـ حياة محمد "ص"

هو صحيح ممكن نقلد الرسول؟

ممكن يعنى عادى؟!

أكيد طبعًا .. لأن ربنا إللى خلقنا قالنا (لقد كان لكم فى رسول الله قدوة حسنة)

طيب هو كان بيعامل السيدة خديجة إزاى, وكان بيعامل السيدة عائشة - بنت صديق عمره سيدنا أبو بكر - إزاى؟

• صحيح كان بيعرف هى زعلانة إمتى .. لما كان بيقولها عليه أفضل الصلاة والسلام : أعرف متى تكونين عليا غضبى, ومتى تكونين عنى راضية, قالت كيف؟ .. قال : حينما تكونين عليا غضبى تقولين نعم ورب إبراهيم, وحينما تكونين عليا راضية تقولين نعم ورب محمد

• صحيح كان ساعات بيدور على المكان اللى شربت منه علشان يشرب هو منه, علشان يحسسها بالحب والرحمة والحنان
• صحيح بجد كان فى زوج ف الدنيا زوجته تدخل وهو بياكل هو وأصحابه تقلب الطبق اللى بياكلوا فيه .. وممكن يكون الأكل كمان وقع عليهم .. وتدخل تانى! .. ويكون التصرف كله كله : غارت أمكم -مع ابتسامة رقيقة - ... الله .. فيه كدة فعلا؟!!
• فى زوج بعد ما ربنا أكرمه بـ9 زوجات من خير نساء العالم, هن أمهات المؤمنين, وبيكلم بنت الرجل الثانى فى الإسلام عائشة بنت أبى بكر رضى الله عنهما, وبتقوله على السيدة خديجة رضى الله عنها : أما أبدلك الله خيرًا منها, يقولها : لا والله ما أبدلنى الله خيرًا منها.. فيه كدة؟!!!!
• فى حد ف الدنيا اللى احنا عايشين فيها دى ممكن يخلى زوجته ساندة راسها على ذراعه ,, أصلها واقفة بتتفرج على ماتش أحباش :) الأحباش بيتصارعوا وهى بتتفرج على ذراعه, وما ينزلش ذراعه علشان تفضل تتفرج .. فيه كدة فعلا؟! وفى راجل فى العالم دلوقتى يستحمل كدة؟!!

أكيد التجربة النبوية هى تجربة تستاهل النظر والتدقيق, بل والتطبيق.. هى النظرية المثالية, هى الـideal اللى المفروض تمشى وتقيس من عليه ..

رأيى إنها التجربة الإنسانية الأفضل على الإطلاق .. بس كل الفكرة .. بجد فيه كدة



أنا كنت حابب أتخيل شوية المية اللى الواحد بيشربهم ورا زوجته, هل هيبقوا زى المية العادية؟!

أنا متخيلهم مسكرين, من غير سكر, يعنى لو المية اتحط عليه سكر مش هتروى , لكن دى هتبقى مية مسكرة وحلوة بس مية, وبتروى قوى قوى ..


ندعى ربنا يخلينا فعلا على خطى الحبيب .. ويرزقنا البر والتقوى .. ومن العمل ما يرضى . ... ويجعلنا ف بيوتنا جنة وفى جنتنا بيت من الحب والنعيم..

ربنا يفرحنا كلنا, ويرزقنا بزوجات صالحات ويجلعنا ليهم أزواج صالحين ...
ولإخواتى .. ربنا يفرحن كلهن ويرزقهن بأزواج صالحين, ويجعلهن لهم زوجات صالحات ...

اللهم آمين

وإيه ينفع وإيه مينفعش ؟!!
وإيه ممكن .. وإيه ميمكنش !! ..
.. محدش يعرف !! ،، ولا حد يعرف آخر طريقه إيه .. ولا في الآخر نصيبه إيه وفين !!

____

ادعولي ..

إدعوووولي .. بالفرج

قوي

ممكن ؟؟

كده
..

نسم نسيم احبابنا وقال الهوى
يا رب عيد احبابنا تا نبقى سوا
ومن يوم ما طال الغياب
قلبى بيقول ..بلمح خيالن
كل ما هب الهوى .....

في حد بيطير في الأرض؟
يعني يهفهف في التراب؟
في حد بيعوم جوا حوض سمك؟
في حد "عاقل" ياخد قرار يحارب عينيه..عشان اوضته مش مروّقة؟

هو ايه ده؟؟
رجعنا لوجع القلب؟
انا مش عايزة ديول..
انا عايزة راس تعبان م الاخر!

مرهقة
وشدّة اعصابي واجعاني
حاسة اني اتخانقت بجد!
مانا اتخانقت!
بس مع نفسي.

رغوة الصابون
انا قاعدة جوا رغوة صابون
بس!


باتسرسب بالراااااااااااحة
بالراحة اوي
وفاضل مني غياب


اه
مشدودة
زي ما اكون شادّة شَعري بتوكة جديدة
مصدّعة
معدتي مقلوبة زي خنقة قبل امتحان
سكري عالي
وقلبي ف الارض
زي اللي دايس برجله على هدومه
فلا عارف يمشي
ولا عارف يقف كويس

بقالي كام شهر متواصلين مابتفرجش على اي حاجة
لا تليفزيون ولا برامج ولا حد
باتفرج على نفسي ! : )

حاسة بسخونية
فـ قلبي
سخنة اوي
صهد

مدروخة والله
عندي ندوة قال !
ومين قال اني باعرف اذاكر واحفظ انا !!
مين قال اني ليا ف كده اصلاً
الشريرة دي!

جميلة ليلى مراد


بحب افلام الكارتون اوي
ماحبش اعيشـ ـها



مش عايزة اكلم حد
مش ناوية
مش هاسند
مش عايزة
مش عايزة
مش عايزة

بكرة الصبح هاكون مبسوطة وباضحك رايحة الشغل، الندوة، صحابي ..
وبس
..

اسكندرية ..
أيام بسيطة ..
معدودة جدا ..
فقط للراحة ..
ربما إعادة هيكلة ..
هروب ..

لا أدري ..
فقط ..

لا تواجد ..
و لا ابتعاد ..



اسكندرية ..
بحر ..

كــــ / .....

مش عارفه
ناس تدخل فى حياتك لساعات قليلة تجيب أجلها ولما تتصلح .. مجرد اسمهم يعكر صفو حياتك من تانى

كفاية بقى ... ده لو ميت كان زمانه ادفن واتحلل
يا ريت الاسم ده يتمحى من الوجود
ساعتها مش هخاف على اى حاجة جميلة تضيع منى
الموضوع اتفه من اى شىء
بس يمكن انا اللى حساسة اوى اوى اوى
ومستعده للزعل

.....................
عمرى ما بوزنها .. ولا هقدر اوزنها
وصراحتى ووضوحى سبب لمشاكلى

بقالى فترة مكتبتش هنا
ملقتش كلام
بس بعد كده هكتب كتييييييييييييييييير بأذن الله
...............................
انا بعمل ايه
اه يا دماااااغى

معاكِ بضحك بصوت عالى
ومش خايف وانا عارف
قلبك من الحزن مش خالى

بفرج بصوتك الهامس
أسرح لما نتهامس
بصوتنا لما يتلامس
ويسرقنى نغم هامس
ويحلالى


بحبك شمس فى بدرى
تغطينى بالدفى الوردى
بحبك حلم على قدى
يا أغلى يا أغلى ما عندى
وادى حالى

محمد منير - معاكِ

كان فى احتواء كفه

..

!

calabala

يائسة جدا .. وعندي أمل !!

تاريخ التسجيّل: Sep 2002

الإقامة: إلى فيها خير جند الأرض..أرض النيل و أرض الكنانة ...مصر

العمر: 25

المشاركات: 5,694

____

يعني إيه انا ؟؟

انا مين وايه ؟؟

i'm tired ... !!!!!

very


قوي ..

مشكلة دي!
مشكلة أوي ان الواحد يتكعبل فـ فرع أخضر
لسه ماصفرّش أوي
فـ وسط أرض مطحونة!

ما اتعودنا الجدب خلاص : )
إيش جابك يا فرع!


آآآآه ياني
الأوّلـا آه
والتانية آه
ولحد ألف ومِيّة آه



أقل حاجة بتفرّح.. صح؟
وأقل من الأقل بيكسر الضحكة بشاكوش!


طيب..
لما أمسك قطتي أقولّها تعالي "بس بس" وفـ ايدي لقمة بقشطة
وتقرّب
ينفع على وصولها أقول حرام لا تتعبها؟؟
وأقوم؟
وأخاف تعضني؟
وأخاف تعديني؟؟؟!


خليها تدور في بلاد الله
وبلاش أعلّقها بأمل
مش صح؟

لو قطة..
هاتمنى كده : )

مش عايزة لقمة من حد!
أخاف آكلها
وأموت بعدها من الجوع .......................

محاولة جادة لأكون أحد غيري

محاولة جادة لكبت اي توتر أو عصبية أو زعل أو ضيق أو اختناق أو غبا أو تخلف أو سذاجة ..

..

في الفترة الأخيرة - اللي هي من بداية الأجازة تقريبا - و انا مقضية الأجازة لوحدي ..
بصحي الصبح بدري اخري الساعة 10 يعني .. و اقعد في أوضتي .. ياما نت ياما تليفزيون اللي عادة بيبقي مسلسلات أجنبية لحد ما خلاص الواحد مستعد يسمع اسم كل مسلسل و أحداثه ..

مش حلو علي فكرة ..

قعدة مش لذيذة نهائيا .. قعدة بدأت تخلي الواحد مش عايز تواجد لاي حد تاني حواليه .. شويه بشويه بقي الخروج حاجة مملة .. بقيت اهرب منه .. بقيت اقول هاخرج و اتفق .. و في ميعاد الخروجة اكنسل بماسيج بسيطة .. و لو مقررة انزل اقص شعري ولا اشتري حجات اقول هنزل النهارده .. و منزلش ..

كان التوتر مسيطر جدا علي دماغي الفترة اللي فاتت ..و مازال برضه بس يمكن خف شويه لما اتطمن علي اني الحمدلله اللي عيزاه اتحقق و دخلت القسم اللي انا حباه " الصحافة " ..

بس اكتشفت اني بقيت عصبية زيادة عن اللزوم .. رغم اني دايما عصبية ..
حساسة زيادة عن اللزوم .. رغم اني دايما حساسة ..


مش طايقة الناس زيادة عن اللزوم و عايزاهم بعيد .. رغم اني مكنتش كده زمان ..
و ده يمكن الجديد الوحيد اللي في أجازتي .. غير نتيجة الكلية و نتيجة تنسيق الأقسام الحمدلله يعني ..


بس القعدة الكتير لوحدي خلتني افكر في التغير ..
هل أنا كويسة ..؟؟
لا و ألف لا ..
لا اوي ..
لا ابدا ..
لا خالص ..


هل انا نقية ..؟؟
لا طبعا .. نقاء ايه و صفاء ايه بس ..

هل انا وحشة ..؟؟
اه اكيد .. الانسان اللي عنده قدرة علي ايذاء الناس و لو بحرف واحد يبقي وحش و ستين وحش ..

محاولة كبت الحجات اللي فوق دي لازم تتم بصورة سريعة .. بجد الجد يعني ..
لازم اعادة هيكلة لـــ "انا" .. و لازم انعزالية صغنتوتة اوي ..

عشان علاقات الناس ببعض تتصلح لازم كل انسان يعرف قيمة الانسان اللي بيتعامل معاه ..

انا بحب نفسي علي فكرة و دي مش حاجة خجلانة او بخجل منها .. لان عشان اعرف احب الناس لازم احب نفسي الأول ..
و عشان احاول يمكن اصلح القريبين مني .. اصلح عيوبهم اللي انا شيفاها يعني لازم ابدأ اصلح عيوبي انا ..


لازم اضم ايدي كل ايد لوحدها اوي و اهدي جدا ..
يمكن انجح في التغيير..


امممم ..

بس ..

الي متي سيسعون لتدمير مستقبل شبابنا ..



http://www.facebook.com/group.php?gid=21613247443



عرفت من زميل بثق فيه ان محمد رفعت شخصية محبوبة .. و طلع السنة االلي فاتت التاني علي دفعته ..
رغم اعتراضي علي بعض الاشياء ..
و رغم اني ضد الاحزاب و ان الشباب في دراستهم يتداس عليهم من قبل جهات عايزه تعلو علي حساب الشباب باسم اي شئ ..

الا ان الشباب محتاج اللي يوعيه و اللي يفهمه مش اللي يدوس عليه ..

ربنا معاك يا محمد بجد لان شكلك فعلا تستاهل ..

ستبقى هذه هى الدنيا,, بمتاعبها , وإرهاقاتها ,, وسيظل الحبل الموصول بمن نحب, حبل من الله, هو ما يهون علينا