الى متى ؟؟؟

استيقظ كل يوم و فى قلبي هموم ...
اسير وحدي كثيرا و ذهني جدا مشغول ....

الى متى ستظل افكاري تداعبني ..... ؟؟؟

لسه

لسه أوي كتير

أو

لسه كتير أوي

..

كلنا دروايش!

صباح الخير .. صباح جديد, صباح جميل بإذن الله ..


اللهم أرزقنا رزقًا حلالا طيبًا مباركًا فيه ..

درويش مات
!!



والبقاء لله
..

آه يا ولْد الهلالى لا عليا ولا بى
يا عزيزة يا بنت السلطان لو يتغير الزمان وقابلتينى فى اى مكان
كنت اعشق من غير ما تقولى
كنت هقول اهو ده المكتوب ويدوب قلبى قبل ما أدوب

.....
قلبى ضايع مين يلجاه لى باينى نسيته حدى اهلى
ينفع احبك من غير قلبى
ما تردوا عليها وعليا

آه يا ولد الهلالى لا عليا ولا بى
انا يونس ونسيت مين يونس
والدنيا مالت عليا

*******

فيه ناس "طيبة" أوي ..

فيه ناس بتعرف امتي تيجي في الوقت الصح .. يمكن بيجوا في الوقت بالصدفة بس بيبقي حظهم انهم جم دلوقتي ..
فيه ناس قدروا بنجاح و من غير ما يحسوا و من غير اي أسباب انهم يخلوا ليهم مكانة في القلب يمكن تتهز بس عمرها ما بتتحرك ..
فيه ناس بتفهمك اوي من مجرد سكوتك ..
فيه ناس بتفهم اوي انك فاهمهم من مجرد سكوتهم ..
فيه ناس عايزه تسمعك ..
فيه ناس فعليا بتحب تسمعك ..
فيه ناس بتحبك .. بعيوبك ..
فيه ناس بتحبهم .. بعيوبهم ..
فيه ناس عارفه كويس اوي ازاي تبقي في عينك دلوقتي حالا حلوة ..
فيه ناس عارفة كويس اوي ازاي قبل ما تقع من قدامك تترفع فووووووووووووق جواك ..
فيه ناس عندها قدرة هايلة انها تقول : معلش .. من غير ما تتكلم ..
فيه ناس بتقدر اوي تخليك تضحك بصوت عالي ..
فيه ناس "سعادتك عندهم بالدنيا " ..
فيه ناس بتسأل عليك ..
فيه ناس بتتطمن انت عليهم ..
فيه ناس بتفهموا بعض اوي من مجرد ان انتوا قاعدين في محيط صغير اوي ..
فيه ناس بتقدر تحطك بين قوسين " ماتخفش انا جنبك " رغم انهم بعيد اوي ..
فيه ناس بتقدر من حروف بسيطة تعيشك بجد ..
فيه ناس بتمشي و تروح و تروح و تمشي و برضه دايما موجودة في جميع الحالات ..
فيه ناس عندها سينس اوي بس معاك الحجات دي مش بتفرق ..
فيه ناس دي أحلي حاجة فيها ..

فيه ناس " طيبة " اوي ..

: )

قلوب تنبض بالفرح ما بين سكرات الحزن ..

بعيدة أوي .. قريبة جدا ..
ضعيفة جدا .. غبية أوي ..

هناك بعض الأوقات نفشل جدا في اختياراتنا و ننفذ بعض القرارات الخاطئة جدا ..

يكسو اللون الأسود كل شئ " انا من عشاق اللون الأسود " ..


نتسارع جميعا لتدميرنا دون اي مقابل سوى مجرد أوقات من الاستمتاع المؤقت القريب من هوى النفس ..

اهى دى جنتنا جوه قلوبنا
ميحسهاش غيرنا !!

عندما تصيبنى تلك الحالة من الشوق ..

أحضن ذاك "الماوس" بكفى, فأشعر بشعور غريب, يطمئننى,,

وبس!

كان الأسبوع الماضى من أفضل أيام حياتى ..


وهذا بحمد من الله وفضله ورحمته ,,,

أتذكر مقولة, ولم أجد مصدرها, ولكنى أأمن بها جدًا

يؤجل الله أحلامنا ولا ينساها

سبحن الله .. قد لا تصلح تلك الأحلام أن تتحقق فى وقت حلمنا بها, فيؤجلها الله لنا إلى وقت تكون رائعة فى تنفيذها .. الله سبحنه وتعالى يعلم ما ينفعنا وما يفرحنا وما يرضينا, ونحن نجتهد لنرضيه, ولهذا هو يرضينا بقدرته وكرمه وفضله ..


اللهم إنك أنت الله, لا إله إلا أنت .. أنت الواحد الأحد, الفرد الصمد , لا ند ولا شريك لك, ولا صاحبة ولا ولد, رب السماوات وما أظللن, ورب الأراضين وما أبقين وحوين , رب العالمين وما أخفين وما أظهرن, رب الإنس والجان, رب الملائكة والطير, رب كل دابة على الأرض, رب الشمس وأتباعها, رب المجرات بنجومها وكواكبها وأجرامها وأقمارها

اللهم نشكرك ولا نكفرك .. اللهم اهدنا لأحسن الأخلاق لا يهدى لأحسنا إلا أنت, اللهم أعنا على ذكرك وشكرك وحسن عبادتك, اللهم ارزقنا السكينة والطمأنينة, اللهم ارزقنا الحب والرضا, اللهم ارزقنا العفو والعافية

اللهم صلى على سيدنا محمد عبدك ونبيك ورسولك, النبى الأمى, وعلى آله وصحبه وسلم تسليمًا عدد ما أحاط به علمك, وخط به قلمك , وأحصاه كتابك, وارض اللهم عن ساداتنا أبى بكر, وعمر وعثمان وعلى, وعن الصحابة أجمعين, وعن التابعين, وتابعيهم بإحسان إلى يوم الدين..

بصدّق في إحساسي .. !!
بتعجّب منه .. ومن نفسي !! : )

--
يا طير يا طاير .. دربك ع باب الله ..

--

رزقنا ؟؟ الرزق على الله ..
حلمنا ؟؟ خليها على الله ..

يفرجها الله ..

ويهوِّن الله ..

--

ربك لما يريد ..
الصعب بيتهوِّن .. الحزن بيتلوِّن .. طول ما الإيد في الإيد ..

--

يااااا رب ..

وادعولي بردو
________________



أنا أكتب من الواقع .. لكنني أحلق في السماء ..
لا أقبل أن أغرس أقدامي في الطين ..
ولست مسئولا عن غياب الحب عند الآخرين ..
ولكن مسئوليتي أن اضيء كل يوم شمعة .. حتى لو اطفأتها الرياح ..
: )

جميلة جدا .. الصورة دي كان حاططها زماااان في البوح استاذ محمد سعيد لو فاكرة صح وانا فاكراها كويس عجبتني جدااااا حسيتها مني كتير .. حبيت كلماتها .. دي قناعتى ..
____

بسمع محمد منير ..
- يا طير يا طاير ..
- رزقنا ..
- ربك لما يريد ..
- أنا بعشق البحر ..
- الليلة يا سمرا ..
- هون يا ليل ..

شنطة مقطوعة ..
برد .. برد .. برد ..
الكورة .. الجنينة .. المتاهة ..
ناس بنقابل ناس .. و نفارق ناس .. و مش قادريين ننسي اللي فات ..
اسدال صلاة .. وجرايد ..
سمك بلا حدود ..
ميّه مدلوقة ..
مشّ لأول مرة بزيادة ..
مين في الدننيا دي مين محلمش في يوم لو ترجع بيه أيام زمان ..
2 رسيفيد ماسيج ..
1 سينت ماسيج ..
غباء ..
ضعف ..
ملاهي ..
منخول ..
كدمات في اليد ..
زرقان .. زرقان .. زرقان ..
انا لو اذيته ..
فووووووووووووووووووووووق .. أووووووووووووووووووووووي ..
بعيد .. قريب ..
ضحك بلا نهاية ..
فلوس من أجل الألم ..
مافيش فايدة ..
مافيش فايدة ..
مافيش فايدة ..
حبيبي الدنيا وانا جنبك عليا تهون ..
انتِ بقيتي دراكولا .. بتشربي دم .. " فراولة في عيونك " ..
ايس كريم بالشكولاتة ..
زر بحليب ..
ايس كريم بالمستكة و المنجة والمكسرات ..
متتصدميش ..
التسالي اللي قبل الفيلم علي حسابي ..
خوف ..
خوف ..
خوف ..
يمكن تكون صدمة ..
بحر ..
أنا عارف انك صغيرة ..
ركبيلهم مساحات ..
قالوا فيكي حنان زيادة ربنا ضايفه .. لا وفيكي جمال في روحك لوحده انا شايفه ..
مش مأفور شويه .. معرفش ..
انا اعيش معاكي سنين او اعيش يادوب ساعتين ..
كشري بالتونة و الزبادي .. عك عك ..
انا دايخ ..
مافيش تاني .. لا ..
لينة كريمة بس عشان كده ..
ماتوصنيش علي حبي ليك ..
الساعة 3 ..
بحب الأحمر و الأسود ..
طول ما انا و انت موجودين لازم يكون فيه فايدة ..
بكره الأبيض أووووووووووووووووووووووووووووي ..
مطر .. وعصفور ارتعش ..
يابني انا بقيت سلطة رابعة ..
كباب فحم و انقاذ لاني مش بحب الخروف ..
و فراخ مشوية ..
الناس واخدين بالهم منا .. لاحسن يعرفوا .. تبقي حكاية .. والنبي ياحبيبي أمانة عليك .. لو كنت في يوم زعلان مني ..
نروح يوم الثلاثاء نتأكد ..
وانا كمان مسافرة .. هرجع السبت ..
اسف علي الإزعاج .. خوف من تلقي ضربات ..
ملاهي بجد ..
حماقي ده رائع جدا ..
نلعب كمان مرة ..
سومليتر بلا حركة .. غبا ..
بحر متأخر .. بحر قليل ..
موتنا حجات عاشت فينا و ياريت ناسيين .. بنموت و بنضحك علي روحنا و نقول عايشيين .. يظهر هنعيش اللي باقيلنا علي حس يوميييين ..
عنطظة ..
زهران ..
المعمورة ..
المغيبين ..
الساعه 4 ونص ..
لو بإيدي .. بس خوف مش أكتر ..
نومك خفيف يا نونّا ..
رسالة ..
بعيدة أوي ..
راحة ..
ما احنا خدنا حجات كتير مكنتش أصلا حقنا ..
بحبك .. وحشتيني ..
بحبك أنت اخر حاجة ..





48 ساعة في اسكندرية ..

الدنيا مليانة ناس ..

انا لو اذيته كان عملي زيادة عن كده ايه
بالعكس عمري ما اخدت منه نص اللي انا باديه
كان عاوز يموتني يعني يرتاح و انا المجروح
ده مشفش غير حنية مني مشفش غير الخير
و انا لو قاتله حد سهل من كده بكتير
خايف لما يعرف قيمة اللي في ايديه لما يروح ..

عموما يلا مش فارقة و مش خسران ..
عشان انا اعرف انا دلوقتي انا الكسبان ..
باين بدري يرحيني و انا بنساه ..
و مش يمكن لو انا كملت اعيش ندمان ..

لو غلطة مني مين يقولي انا طب غلطت في ايه
طبيعي لما تحب حد تكون مأمن ليه
قصر الكلام هيفيد بايه خلاص كلامي عليه
زمانه رتب كل حاجه و عاش حياته خلاص
مش فارقه عنده اي عشرة ولا احساس ..
و انا مش هوقف يوم حياتي الدنيا مليانة ناس ..

انا لو اذيته / حماقي الرائع

الأحلام موجودة بس محتاجة همة لتحقيقها
خطوات لقدام
.................
ده طبع بقى ..اللى هو الخوف
بس المجهول دايما مصدر خوف وده طبيعى
............................
هتنفس فى يوم ما هتنفس
مهو لازم اتنفس والا هموت
....................................
لازم اخرج بقى لانى كده دماغى هتوجعنى اوى من التفكير
وكمان ممكن ارجع عن وعدى لنفسى

لماذا الآن بالذات؟ أين تخبئ الحكمة وجهها مني..
في
تلك
اللحظة
بالذات!
ضع كفك هنا.. بلى.. قرب بصماتي على الحائط، تحسس لحظاتي مع كل يومٍ تآكل من خريطتي.. انهج مثلي الآن.. بسرعة.. بسرعة.. تذوق بطن كفكَ كما أفعل أنا حين يأكلني القلق على مهل.
ربما أعاني مرضاً ما.. وهماً ما.. خيبةً ما. أعاني “أنا” ربما؟
هل تساءلتَ؟
ربما تعثر عليّ لعنةُ هذا العصر فأغدوها.. أغدو مدببة الرأس.. صوتي ملوّن أصقلته التجارب فصار غامقاً، يوحي يغموضٍ يأسركَ. يتقشر جلدي عن فحمٍ يتحرك نحو المبكى.. لا أبكي.. تسقط الحياة على وجهها فجأةً بين كفيَّ.. فأنضج كحبّةِ يقطين بائسة.
هل تسائلتَ عني؟
أول مرة أمر براحة يدي على ضحكتي، أستشعر تجاويفها العديدة. لو نظرت لأحدها فقط لتطلعتَ للغيب المنكفئ في روحي. أنا لا أضحك. كما الفرس، لا أجلس، لا أحب، لا أغني، لا أدعم، لا أشفى، لا.. لا أعرف الفعل حقيقةً. أنا أُضحَك فقط.. أنا أُفعَلُ.. أنا زيت الفعل السائلِ على الأرض بحرقةٍ تؤذي.
هل تساءلتَ عني كيف أعد أصابعي كل ليلة …!

بس انا مش بريئة
ولا طفلة ف مشاعري
أنا قلبي عجّز
!

لقيت الفيلم ده عندى عالجهاز
بجد روعة ..
اصرار الفرس ده على انه يبقى حر
رغم محاولة اسره اكتر من مرة
لكنه كان رمز للشجاعة والقوة والكرامة
واختار حياته بنفسه
.........................................

هافطر يا ولااااااااااد !!

لأ وفول!

من على عربية!

وتين شووووكي!!

بتجيبوا السمايليز اازاي يا عيال!

..

ربنا يهديكي يا معدتي بس!

صباحكم جنّة

"بتعطيش الجيم.. ورَويْ قلوبكم برحمته" : )

..

كن كـ حياة محمد "ص"

هو صحيح ممكن نقلد الرسول؟

ممكن يعنى عادى؟!

أكيد طبعًا .. لأن ربنا إللى خلقنا قالنا (لقد كان لكم فى رسول الله قدوة حسنة)

طيب هو كان بيعامل السيدة خديجة إزاى, وكان بيعامل السيدة عائشة - بنت صديق عمره سيدنا أبو بكر - إزاى؟

• صحيح كان بيعرف هى زعلانة إمتى .. لما كان بيقولها عليه أفضل الصلاة والسلام : أعرف متى تكونين عليا غضبى, ومتى تكونين عنى راضية, قالت كيف؟ .. قال : حينما تكونين عليا غضبى تقولين نعم ورب إبراهيم, وحينما تكونين عليا راضية تقولين نعم ورب محمد

• صحيح كان ساعات بيدور على المكان اللى شربت منه علشان يشرب هو منه, علشان يحسسها بالحب والرحمة والحنان
• صحيح بجد كان فى زوج ف الدنيا زوجته تدخل وهو بياكل هو وأصحابه تقلب الطبق اللى بياكلوا فيه .. وممكن يكون الأكل كمان وقع عليهم .. وتدخل تانى! .. ويكون التصرف كله كله : غارت أمكم -مع ابتسامة رقيقة - ... الله .. فيه كدة فعلا؟!!
• فى زوج بعد ما ربنا أكرمه بـ9 زوجات من خير نساء العالم, هن أمهات المؤمنين, وبيكلم بنت الرجل الثانى فى الإسلام عائشة بنت أبى بكر رضى الله عنهما, وبتقوله على السيدة خديجة رضى الله عنها : أما أبدلك الله خيرًا منها, يقولها : لا والله ما أبدلنى الله خيرًا منها.. فيه كدة؟!!!!
• فى حد ف الدنيا اللى احنا عايشين فيها دى ممكن يخلى زوجته ساندة راسها على ذراعه ,, أصلها واقفة بتتفرج على ماتش أحباش :) الأحباش بيتصارعوا وهى بتتفرج على ذراعه, وما ينزلش ذراعه علشان تفضل تتفرج .. فيه كدة فعلا؟! وفى راجل فى العالم دلوقتى يستحمل كدة؟!!

أكيد التجربة النبوية هى تجربة تستاهل النظر والتدقيق, بل والتطبيق.. هى النظرية المثالية, هى الـideal اللى المفروض تمشى وتقيس من عليه ..

رأيى إنها التجربة الإنسانية الأفضل على الإطلاق .. بس كل الفكرة .. بجد فيه كدة



أنا كنت حابب أتخيل شوية المية اللى الواحد بيشربهم ورا زوجته, هل هيبقوا زى المية العادية؟!

أنا متخيلهم مسكرين, من غير سكر, يعنى لو المية اتحط عليه سكر مش هتروى , لكن دى هتبقى مية مسكرة وحلوة بس مية, وبتروى قوى قوى ..


ندعى ربنا يخلينا فعلا على خطى الحبيب .. ويرزقنا البر والتقوى .. ومن العمل ما يرضى . ... ويجعلنا ف بيوتنا جنة وفى جنتنا بيت من الحب والنعيم..

ربنا يفرحنا كلنا, ويرزقنا بزوجات صالحات ويجلعنا ليهم أزواج صالحين ...
ولإخواتى .. ربنا يفرحن كلهن ويرزقهن بأزواج صالحين, ويجعلهن لهم زوجات صالحات ...

اللهم آمين