عندما ينجح الانسان في ان يذكر بالخير ..

سعد قنديل..

عضو من الاعضاء اللي معانا في القهوة ..
يمكن عمر اسمه ما شدني.. لاني معشتش عصر تواجده او مكنش يمكن كان ليه حضور في مواضيعي..
لما قريت من كام يوم في المصطبة عنوان فيه اسمه ..
مهتمتش اوي..
مكنتش اعرف مين الشخص ده اصلا..
و اكتشفت دلوقتي اني رديت علي موضوع ليه ..

من كام يوم اتذكر اسمه قدامي..
اتذكر ماشاء الله تبارك الله بكل خير ..
و قررت اعرف مين الشخص ده بالظبط ..

يمكن شدني صغير سنه اللي مكنتش متواقعاه لما شفت عنوان الموضوع اللي اتكتب عنه في المصطبة ..
و من شويه و انا بتصفح بالصدفه ركن من اركان القهوة لقيت موضوع ليه مثبت..
الموضوع من 2007 ..

دخلت شفت في الموضوع قمة تفاؤل و ايجابية ماشاء الله .. بالظبط زي ما اتذكرلي عنه من كام يوم ...

قلت اعمل سيرش عن مواضيعه ..

لقيت معظم المواضيع في اقسام اما ورشة الكومبيوتر " المكان ده انا بدخله عشان استفيد منه .. يعني بظن ان اي انسان بينزل فيه موضوع بيبقي لافادة الاخرين "..
و مواضيع اخري ليه في قسم " حي ولا عايش".. اللي من خلال تصفحي للقسم ده بحس انه بيعمل علي التنمية البشرية ...

سبحان الله ..
فيه ناس بتقدر تمشي من الحياة و هي سايبه ناس فعلا تذكرها بالخير و الحق ..

يمكن محصليش شرف التعرف علي سعد ..
و لكن يشرفني التعرف عليه في الجنة ان شاء الله..

الله يرحم سعد قنديل..
و يصبر أهله يارب..