تعرفي يا نقطة .. يمكن هي حاجة ملهاش علاقة بالمقصود من بوحتك ..

بس فيه كلمة قولتيها في النص مستني قوي ..

انا فعلا حاسة انى بتفرج ع الدنيا من برة وبس .. او حتى من جوة مش مشكلة .. لكن مش عايشاها ..

بتفرج .. اشوف وأسمع .. افكر .. اتأمل .. اعرف .. افهم أو مفهمش .. لكن مبعملش !!

مبتكلمش .. مبغيرش حاجة .. إيدي مش بتنقل حاجة من مكانها .. مبغيرش في اي حاجة .. !!!!!!!!

فعلا انا متفرج .. متفرج جدا ..

ساعات بيجيلي إحساس كإني مش هنا .. بتفرج من بعد تاني .. من غيرما اقدر اغير او اعمل حاجة ..

فرجة وبس !!!

وده علاجه ايه ده يا دكتور؟؟؟؟؟؟؟ !!!!!!!

و ناس ريحتها فاحت ..

كفايه عليّا من الحنفية .. الحمدلله اوي ..

ــــــــــ


فيه واحد قال قبل كده " و مالدنيا الا مسرح كبيييييييييييييييييييييير "..

مش عارفه مش بحب الجملة دي اوي بس كل اللي اقدر اقوله ان انا حاسه نفسي في الوقت الحالي قاعدة في مسرحية ..
الناس عماله تعيش و تتعايش و انا عماله اتفرج و اضحك اوي ..

بس الاختلاف بقي ان الناس بيحسبوا نفسهم بيمثلوا عليا و ميعرفوش ان انا عارفه كل حاجه ..
اظن ان فيه ناس في حياتنا لو عرفوا اللي فيها .. ربنا معاهم بقي ..


ـــــــ
ـصدق اللي قالي " دايرة الثقة مشيت غلط " ..
و صدق أكتر اللي قالي رأيه في علاقتي ببعض الناس ..

هو الى ممكن يخليك تعمل حاجات مجنونة ..

يخليك متبقاش انت ..

تمشي تكلم نفسك ..

وتنطق كلام .. متحسش بيه .. من كترم اهو بيصرخ جواك عشان يطلع ..
تلاقي نفسك بتقله لا اراديا ..

هو الى يخليك تتصرف تصرفات .. لو حد شافك حيقول عليها هبلة ..
انت بتعملها لا اراديا .. لن ده الى جواك .. جواك قوي .. وبيصرخ ..

هو الى يخليك .. تحط أمل في المستحيل ..

هو عين الجنون .. والعقل .. في آن واحد ..

على فكرة .. حلوة قوي .. كلمة جنووووووووووون ..

: ))))))

!!!!!!!!!!!!!!!!!

التهور احيانا .. بيكون عين العقل .. او عين الجنون بقى ايا كان ..

___

هو ممكن يختلط علينا العقل و الجنون ؟؟

ويبقوا ميتميزوش عن بعض ..

_____

هذه بوحة لا علاقة لها بالى قبلها نهائيا : )

بدون تعليق .. : )

مممم

كتبت كلام .. وبعدين قررت احتفظ بيه لنفسي أسلم .. ناس ممكن متفهمش ..
المهم ..

فيه كتير منى الجدع ده .. لكن مش المرض أكيد : )

قال أحد الحكماء: لا خير في القول إلا مع الفعل، ولا في المنظر إلا مع المخبر، ولا في المال إلا مع الجود، ولا في الصديق إلا مع الوفاء، ولا في الفقه إلا مع الورع، ولا في الصدقة إلا مع حسن النية، ولا في الحياة إلا مع الصحة، ولا في السرور إلا مع الأمن :)

صباحكم مِسك
صباحكم بخور الجمعة بدون خنقة : )

صباحكم أطيب ما خلق الله!
..



يارب رمضان!

هي اللى الشمس مكانتش تشرق..
غير لما تفتح شباكها وتطل منه..
دايما .. كان نورها بيسبق نور الشمس..

عجبتني قوي ..

جااااامدة جداااا

رائعة الجمال .. بجد ..

تحفة ..

كتبت أميرة الورد ده هناك ،، وأنا حبيت أنقله هنا :

زمان..
مش زمان اووي..
في رمضان اللي فات..
لما دخلت البوح..وعرفته وبقيت اكتب..وابوح..
والله حسيت اني في جنة الدنيا..
او زي ما كثير بيقولوا (المدينة الفاضلة)..
هنا كان فيه قلوب..قلوب وبس..
مش كلام بيستعرض..ولا حد بيمارس مهارة الكلام..وبس..
لا كانت قلوب..
واي يعني قلوب...!!


يعني ايه بجد..!!

مش هقول قبل ماانادي عليهم كلهم ..واقلهم بجد..
في لحظة كنت شايفة الدنيا كلها سودا..ولما جيت هنا..انتم بقيتم عالمي..
اخواتي..
اعضاء كيان واحد..لما حد بيغيب بحسس بشلل..
خاصة لما يكون الغياب طواعيا..
وحتى الموجودين..متألمين اووي..
واحنا كل واحد غارق في دنياه..
بقينا شبه اي حد..وشبه اي مكان..
حد فينا عارف كالا مالها..!!
حد عارف ليه باسنت بطلت تدخل ليه..!
طيب دنيا منصور..فاكرينها..!
مش مقتنع..ومحمد حبيب..لسه عايشين..!
نبض..أشرقت..ضي..بنت الماضي..كلرز..سمراء..شذا..بقايا ..نسمة رحمة...وغيرهم ..!!!
دفراوي..ماحي..صدى..صفحات العمر...
الدنيا وصلتهم لفين..!!



أنا عمري ماحتسبت في حد ..ودايما بسامح ومابيهمنيش..
بس بجد..لما الاقي جنتي اتهدمت..واتشردنا..
بحتسب من قلبي بجد..
بحتسب كل ماادخل..
بحتسب لما اعرف من برة ..ومن بعيد اووي..
ان فلان محتاج دعوة..محتاج توجيه..تعبان..مخنوق..الدنيا مزهقاه..
وانا وغيري اكون سهيت عن كل ده..لمجرد ان مش لاقيه هنا..


من كثر الغايبين..بقى ده الطبيعي..
الغياب القاعدةة والإستثناء الوجود..


رمضان جي..ونفسي روح رمضان اللي فات ..اللي كانت بتخلينا بجد نتنافس على الجنة ترجع وتكون هنا..


نفسي لما ادخل الاقي ريحانة صاحية بدري وبتصبح علينا..
نفسي الاقي موشو وهو كاتب بالأخضر لو فينا الخير يبقى هنتقابل على باب الجنة..
نفسي الاقي نقطة وهيا بتوصف أذان الفجر ...والتروايح..وروحانية القلب..
نفسي البوح يرجع يضم كوباية شاي وفنجان قهوة ..وهما لحظة الترويح الجميلة عن قلوبنا..
ورانيا منصور ..والخمسة اللي هندعلهم..
وماحي ومحمد عفيفي..وآيات القران اللي بتيجي ما الواحد محتاج حد ياخد بإيده يفوقوا..
ومحمود موسى ونسيم الفجر والتخطياطات الشعرية..
ونور قصاقيص...وطبق الفول والمزاج..
وكالا ترجع تضحك..
وباسنت ترجع تعمل دوشة..
ودراز وحنينه لخبز امه..
وصباح عمليات ..
وضحى والتأمل الموصل للجنة..
وشهيدة والطيب وحياة جديدة بتتفتح بينا..
وهيثم الجوهري..وكلمة أفعال لااستهبال..
ودفراوي يرجع..
وزوم يجي يضحك..
والبنوتة اللي في توقعيها (لايعرف الشوق الا من يكابده ..)ترجع لأننا اشتقناها..
وشمعة يرجع حتى لو بالبلطجة..



وكلنا..كلنا ..كلنا ..نرجع ونكون هنا مع الموجودين..
مع محمد كمال..
ومستر اكس..
وسما اسكندرية ...وحبيبية المصري..
وفارس..والعماوي..

نرجع بجد..
لأن الدنيا أأقصر من اننا نقضيها بعاد...


كل سنة واحنا جميعا الى الله أقرب..
والى بعض..

رمضان يجمعنا..رمضان كريم..

ساعات ربنا بيكون رازقنا رزق .. بس احنا لسة مشوفناهوش ..

فيه حاجات ممكن تكون بتحصل خير لينا .. وحلوة قوي .. بس احنا معندناش بيها علم ..

قلة شوف ..

لو نبعد الوسواسات والاحباطات عنا .. نرتاح كتير .. ويمكن نشوفها ..

: )))

اللهم لك الحمد .. واستغفرك اللهم ..

والحمد لله ..

يا رب هوّن ..

وبردو مهما حصل .. حيفضل القلب من اجمل نعم ربنا علينا.. نعمة أساسية جدا ..
حتى لو عدى علينا وقت .. كرهناه فيه ..!!

يهوّن الله .. يفرجها الله ..

ربنا قادر على كل شيء ..

____

طيّب ..

صباح امل وتفاؤل ..

وحياة .. حياة جديدة و ولادة جديدة ..

ربي يرزقنا حياة ..

لماذا ؟؟

___

لإمتى ؟؟

!!!!!!!!!!!!!!