كتبتُ إليكِ من عتبِ.. رسالة عاشقٍ تعبِ

رسائلهُ ، منازله .. يعمّرها بلا سببِ

يعود إليكِ عند الليل.. حين تأوه القصبِ

يسائل كيف حال الدار..كيف مطارح اللعبِ

ويمسح دمعةً سبقتكِ رغم تمنعِ الهُدُبِ

رسائلهُ، منازله .. يعمّرها بلا سببِ

In this photo: شجر (remove tag), يا نهاااركوا.. السور باين فيه خرم ده ولا ايه (remove tag), وردتي انا كمان ( اشمعنى ضحى) ميرسي يا روني :p (remove tag), ده كشك باين ولا حاجة معرفهاش كده (remove tag), الكاب بتاعي (remove tag), برووووووبروق في بلوزة مرفت.. هع هع (remove tag), شنطتي أنا ودنيا حسب الظروف (remove tag), اعتقد في المكان ده ع السور وخلف رانيا كنت حاطة نضارتي ج (remove tag), نخلة (remove tag), ضرسي اللي وااااااااااجعني (remove tag), السمااااااااااا (remove tag), وردتى انا كماااااااااااااان (remove tag), شنطة ميرفت "مرمر" ومحدش يقوللى شايلاها انتى لييه (remove tag), فانوس في الشارع..ده غير فانوس رمضان (remove tag), قزازة المية بتاعة لينة الى مصر كلها شربت منها اليوم ده (remove tag), الخاتم بتاعي (remove tag), وردتى .. ميرسى يا رووونى (remove tag), أعتقد ده مبنى أوتيل محترم (remove tag), السور اللي تعطفنا عليه وسندنا.. وديني لا اوريكو! (remove tag), دي يافطة ولا ايه الى متعلق ع السور ده (remove tag), بيوت ساكن فيها ناااااااااااااس (remove tag)

______

هههههه

عاش السياح حرا مستقلا .. وتحيا مصر .. تحيا مصر

من الفيس بوك .. يوم القاهرة مع البنات ..

وسباق ع الصورة على مين يعمل اكتر تاج .. ومحدش فينا عملت تاج لتاني اصلا .كلها لأشياء ..

وهكذا تبوظ الصور ع الفيس بوك .. لتبقى الضحكة ..

جميييييلة

كان يوم تحفة اصلا ..

يوم قلت آه.. سمعوني قالوا فسد
ده كان جدع قلبه حديد واتحسد
رديت علي اللايمين أنا وقلت
آه.. لو تعرفوا معني زئير الأسد

يا حزين يا قمقم تحت بحر الضياع
حزين انا زيك وايه مستطاع
الحزن ما بقالهوش جلال ياجدع
الحزن زي البرد.. زي الصداع

في يوم صحيت شاعر براحة وصفا
الهم زال والحزن راح واختفي
خدني العجب وسألت روحي سؤال
أنا مت؟.. والا وصلت للفلسفة؟

لا تجبر الانسان و لا تخيره
يكفيه ما فيه من عقل بيحيره
اللي النهارده بيطلبه و يشتهيه
هو اللي بكره حـ يشتهي يغيره

أنا كل يوم أسمع.. فلان عذبوه
أسرح في بغداد والجزاير واتوه
ما اعجبش م اللي يطيق بجسمه العذاب
واعجب من اللي يطيق يعذب أخوه

إقلع غماك يا تور وارفض تلف
إكسر تروس الساقية واشتم وتف
قال: بس خطوة كمان.. وخطوة كمان..
يا اوصل نهاية السكة يا البير يجف

سهير ليالي و ياما لفيت وطفت
و فـ ليلة راجع في الضلام قمت شفت
الخوف.. كأنه كلب سد الطريق
وكنت عاوز أقتله.. بس خفت

ياطير ياعالي في السما طظ فيك
ماتفتكرشي ربنا مصطفيك
برضك بتاكل دود وللطين تعود
تمص فيه ياحلو.. ويمص فيك

قالوا الشقيق بيمص دم الشقيق
والناس ماهياش ناس بحق وحقيق
قلبي رميته وجبت غيره حجر
داب الحجر.. ورجعت قلبي رقيق

*الدنيا من غير الربيع ميته
ورقة شجر ضعفانه ومفتفته
*لأ يا جدع غلطان تأمل وشوف
زهر الشتا طالع في عز الشتا

غمست سنك في السواد يا قلم
عشان ما تكتب شعر يقطر ألم
مالك جرالك إيه يا مجنون .. و ليه
رسمت وردة وبيت و قلب و علم

بحر الحياه مليان بغرقي الحياة
صرخت خش الموج في حلقي ملاه
قارب نجاة!.. صرخت قالوا مفيش
غير بس هو الحب قارب نجاة

دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت في ليل الشتا
لكن حاجات أكتر بترفض تموت

أنا اللي بالأمر المحال اغتوي
شفت القمر نطيت لفوق في الهوا
طلته ما طلتوش إيه انا يهمني
و ليه .. ما دام بالنشوة قلبي ارتوي

حاسب من الاحزان و حاسب لها
حاسب علي رقابيك من حبلها
راح تنتهي و لابد راح تنتهي
مش انتهت أحزان من قبلها؟

جاهينيات عاجباني ..

أنا كنت شيء وصبحت شيء ثم شيء
شوف ربنا .. قادر علي كل شيء
هز الشجر شواشيه ووشوشني قال:
لابد ما يموت شيء عشان يحيا شيء

يأسك وصبرك بين ايديك .. وانت حر
تيأس ما تيأس .. الحياة راح تمر
انا دقت من ده ومن ده ...عجبي
لقيت الصبر مر .. وبرضك اليأس مر

إنشد يا قلبي غنوتك للجمال
وارقص في صدري من اليمين للشمال
ما هوش بعيد تفضل لبكرة سعيد
ده كل يوم فيه ألف ألف احتمال

يا عندليب متخافش من غنوتك
قول شكوتك واحكى على بلوتك
الغنوة مش حتموتك انما
كتم الغنا هو اللي حيموتك

عجبتني كلمة من كلام الورق
النور شرق من بين حروفها وبرق
حبيت أشيلها فـ قلبي.. قالت حرام
ده أنا كل قلب دخلت فيه إتحرق

كان فيه قمر كإنه فرخ الحمام
علي صغره دق شعاع شق الغمام
أنا كنت حاضر قلت له ينصرك
إشحال لما حتبقي بدر التمام

أعرف عيون هي الجمال والحسن
واعرف عيون تاخد القلوب بالحضن
وعيون مخيفة وقاسية.. وعيون كتير
وبحس فيهم كلهم بالحزن

سمعت نقطة مية جوه المحيط
بتقول لنقطة متنزليش في الغويط
أخاف عليكي من الغرق .. قلت انا
ده الي يخاف من الوعد .. يبقى عبيط

حدوتة عن جعران وعن خنفسا
اتقابلوا حبوا بعض ساعة مسا
ولا حد قال اختشوا عيب حرام
ولا حد قال دي علاقة متدنسة