قهوة الفجرية

بتقولى بتحب القهوة مسكرة ولا مظبوطة

بقولها أى حاجة

أصلى مش بحبها أصلا ...


النوم اللى باظ يتصلح أكيد,, بس الحلم يكمل بس يارب

طمعان ف كرمك يارب, وف فضلك يارب, انا ما استاهلش حاجة, بس كرمك الواسع هيعمنى
انا عبد عاصى, بس مغفرتك هتحتوينى

أنا تعبت

هو انا لما اقول عايزه افطر برى مع ناس نفسييي اشوفهم ابقى بطلب كتير؟؟؟

مش كتير

والله ما كتير

انا الحِمل كترعليا...ومبقتش قده

عيش الألــــم ..

احساس وحش اوي انك تحس بالوجع ..
ماهواش مرض و لا مجرد خدش سببلك حرقة بسيطة ..
ده وجع بالقوي ..
ده جه عند الجرح و انداس عليه اوي ..
و مافيش حل غير انك تتألم ..

الجرح مش ناوي يبطل نزيف ..
و لا الدوس عليه هينتهي ..
و لا حتي فيه فرصة ان كل ده يموتك ..
فتموت ..


كأنها تمثيلية من 365 حلقة كلها بتحمل الحلقة رقم واحد ..
و برضه ماتحاولش ..
لا الكهربا ناويه تقطع ..
و لا عندك إمكانية تقفل التيلفزيون ..
و لا ممكن تقوم بعيد ..
و لا يجوز انك تقفل عينيك او تسد ودنك في محاولة للانشغال عنها ..


كل اللي مسموحلك انك تتواجد ..

و للأبد ..


و ربنا يرحمك بقي..

إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنْتُمْ تُوعَدُونَ

ــــ

عملوا ايه .. ؟؟

قالوا ربنا الله ..
ثم استقاموا ..


يارب ارزقنا القول و الاستقامة ..