يا قوم.. انا برتب اني أحضرا لندوة باذن الله .. ( ايوة كل الايموشنات دي مع بعض )

ادعوا ربنا يوفق واقدر آجي ..

باذن الله ترتيبي انى آجي القاهرة من بدري .. اقضي اليوم مع البنانيت الكتكوتات الى حيتيسر لهم انهم يقابلوني .. ونعيش ونتفسح وكده .. جاية القاهرة بقى .. لازم استفيد باليوم

وبعدين اختم اليوم بالندوة لأرى الجميع باذن الله واحتفل معاكوا بعدوة دراز باذن الرحمن ..


انا عندي مشكلة بس ان آخر قطر ممكن اركبه للعودة لاسكندرية حيبقى الساعة 8 وعشرة ..

فمحتاجة اعرف الندوة تبدأ امتى بالظبط .. محمود موسى قال 6 ونص فياريت متتأخروش عن كده طبعا دي مش إمارة بس راعوا ظروفي

الفكرة اني غالبا مش حقدر احضر كل الندوة .. لكن كفاية عليا التواجد وانى اشوف الناس واسلم عليهم واحضر ولو جزء من الندوة ..

السؤال بقى ..: هو مكان الندوة يبعد قد ايه عن محطة مصر ( كوقت يعنى .. واحسبوها على اني اقدر اوصل مستريح للمحطة عشان لو اي عطلة فى السكة ولا حاجة ميطيرش معاد القطرو اتسوّح انا وأقول جااااااي .. )

فالوقت ياخد قد ايه عشان اقدر اوصل للمحطة مستريحة ؟؟

دي معلومة مهمة عشان اعرف انسحب من الندوة الساعة كام .. وحقدر احضر منها قد ايه .. لو ربنا ييسر و قدرت آجي ..

واخيرا : معاد يوم الاتنين ده تأكيدا ؟؟ احم ماهو مش احجز انا وبعدين تأجلوها ده انا آكلكم وقتها

بس كده .. اي استفسارات تانية حبقى اقولكم باذن الله

ودعواتكم ان ربنا ييسر الامور ..