واحشنى يا بحر
ــــــــــــــــــــ
واحشنى يا بحر احضنى
عن كل همومى ابعدنى
عن ناس كتير بتظلمنى
ودنيا كتير بتألمنى
وتسرق ضحكتى منى

***
واحشنى يا بحر احمينى
دا حضنك دافى دفينى
هواك الصافى يراعينى
ينسينى دموع عينى

***
واحشنى يا بحر كلمنى
كلام موجك يطمنى
يسلينى ويشغلنى
ويبعد وحدتى عنى

***
واحشنى يا بحر جيالك
ومهما بعدت رجعالك
ومهما تاه منى الطريق
أكيد شوقى هيهدينى
...........................
شهيدة الاسلام