٢٠٠٨-٠٨-٠٤

ستبقى هذه هى الدنيا,, بمتاعبها , وإرهاقاتها ,, وسيظل الحبل الموصول بمن نحب, حبل من الله, هو ما يهون علينا



كتبها : Muhammad Afifi .. وقت النبضة ١٢:٤٨ م
.. . .. من قلب :

هناك ٨ تعليقات:

no2ta f kobaya يقول...

النهارده في وسط التعب كلمتني واحدة عن "الجرح .. وليه ممكن اقرب الناس تجرحنا"..

جاوبت اجابة مقتنعة بيها اوي ..
و ضفت ..

"انا خلقنا الانسان في كبد "..
ربنا صادق جدا طبعا ..

بس الواحد لازم يتعلم اوي ان ده واقع .. كونه في كبد .. وانه لازم يتعايش مع كده ..

الحمدلله ..

لولا حب بعض الناس لبعضهم حب في الله .. كان زمان هلكنا فعلا ..

٤ أغسطس ٢٠٠٨ في ١٢:٥٨ م
Muhammad Afifi يقول...

مختلف معاكِ لبعض الشيء

خلقنا الإنسان فى كبد, مش فى جرح وعذاب وسط الناس

طبيعة حياتنا فيها تعب, عمرك ما تعرفى تشربى غير لما تقومى وتشربى, مش هتاكلى غير لما باباكِ يروح الشغل كل يوم وف آخر الشهر يقبض مرتب علشان تاكلوا وتلبسوا وووو ... الى آخره


أى حاجة الحصول عليها فى الدنيا بتعب

أبسط حاجة ليكِ لما تذاكرى فى الكلية وتتعبى وتحضرى قوى, بتتفوقى, ولو كسلتى مش بتجيبى التقدير اللى انتِ عايزاه


دا حاجة

وإن حد يجرحك حاجة تانية خالص


وغالبًا بيكون إدارك للحياة, يعنى مثلا بكلم أستاذى كذا مرة وماردش عليا, فإدراكى
1. مع إنه كان بيحبنى قوى, إلا أنه قرر يجرحنى, وينفضلى, ويكسر حاجة جوايا, وأنا كنت واخده قدوة
2. أكيد فى حاجة شغلاه دلوقتى, أول ما يروق, هروح أكلمه


فكرى ف دا, ولو تحبى تردى ردى ,, أهلا وسهلا بنقاشك :)


أخوكِ الكبير

٤ أغسطس ٢٠٠٨ في ١:١٣ م
no2ta f kobaya يقول...

لا بالعكس .. مش مختلفه معاك نهائيا يا محمد ..

بس اظن كمان يعني ان تعاملاتنا مع الناس بيبقي فيها كبد ..

انا معرفش طبعا تفسير الايه عشان افتي فيها ..

بس حسب ما حسيتها بس ..

٤ أغسطس ٢٠٠٨ في ١:٢٣ م
Muhammad Afifi يقول...

طيب عمومًا ,, إحنا ف الدنيا بنختار أصحابنا, ماحدش بيفرضهم علينا, وعندنا كامل الحرية ف اختبارهم علشان يستحقوا دا, ولما يبقوا أصحابنا , بنسامحهم, وبيسامحونا, بنشيلهم لما يتضايقوا وبيشلونا..

هما دول الصحاب .. مافيش صحاب زينا بالظبط, هما بيكون ليهم شخصية, بنعاملهم عليها, لكن لو عاملناهم على شخصيتنا هنتعب ونتعبهم معانا, مافيش عندهم عيوب, لكن شوية صفات, فى صفات ماشية معانا قوى, وصفات مش ماشية معانا خالص, بنحاول نركز على الـ60% مثلا اللى ماشيين معانا, فبنكون سعدا مع بعض

لكن لو ركزنا على الـ40% مختلف, هنعيش تعسا للأسف


الموضوع محتاج تفكير بس :)

٤ أغسطس ٢٠٠٨ في ٢:٥٩ م
Muhammad Afifi يقول...

على فكرة لو الكلام على الصحاب..

أنا لما بتضايق بروح أقابل صحابى, مش بزعل وأتضايق من صحابى, دى نعمة الحمد لله

ساعات طبعًا بزعل, وبمشى , بس بيكون موقف, وبيعدى, ومش بيكمل 12 ساعة ونكون متصلين ببعض مصالحين بعض..

يعنى بنسيب وقت للشيطان كل كام شهر :)

الشطار بقى, مش بيدخلوا بينهم شيطان خالص

٤ أغسطس ٢٠٠٨ في ٣:٠١ م
no2ta f kobaya يقول...

الكلام عامة ..
انا قلت تعاملاتنا مع "الناس" .. مخصتش "الاصحاب" ..

:)

٤ أغسطس ٢٠٠٨ في ٣:٠٥ م
Muhammad Afifi يقول...

لينة ,, اللى مش صحاب ما يستاهلوش الزعل خالص

٤ أغسطس ٢٠٠٨ في ٦:٢٢ م
no2ta f kobaya يقول...

انا مش عارفه اصلا ليه دخل في الحوار الزعل او الاصحاب ..

رغم ان الموضوع بعيد جدا عن كده ..
:)

٤ أغسطس ٢٠٠٨ في ٧:٠٠ م

إرسال تعليق

الاشتراك في: تعليقات الرسالة (Atom)