صباح الجنَّة..

والله لو ما بطلتوا تحكوا عن هناك!
لا هاروح اقعد فـ مدونتي انا وبلاها بوح خالص!
..



يا حي..
جاوب ع النِدا !



..





عارف يا محمد
ربنا بإذن الله هيرزقك رزق واسع أكتر ماتتمنى
كفاية كوكتيل الدعاوي الحلوة دي
كفاية البصيرة!

ياااااه يا رب لو تنور قلوبنا ببصيرة! :)


..





كنت هاقع
وهاقول الحقوني
بس حسيت اني كبرت على كده بقى
عيب!



..

بعد مناقشة مع شخص دماغه كويسة
دار حول "تهذيب النفس"
تعليمها الأدب يعني..
كان الكلام بيدور حول
ازاي نبطلها تقول "عايزة"
"نِفسي"
هاجيب وهاشتري وهيبقى عندي
صعب أوي ده
لأنه مش متضمن الماديات بس
ده كمان
ماتستناش حاجة من حد
ولا رد
ولا شكر
ولا حب
ولا سند ولا صبر
اعمل وانت سايب ايدك في الهوا ومش مستني حاجة!

بس هو كان بيتكلم من جانب روحاني يفتقد للإحساس الممتع
بيتكلم من ناحية عقلانية بحتة انك لما تسيب ايدك من ده هتقرب من هناك كتير
ناحية بتنحني للصوفية شوية بغض النظر عن القرب الرباني
مممم..
ناحية لو مشيت بيها تحس ان مفيش متعة في الدنيا خالص
او انا حسيت كده
لكن لما تضم ده
مع رمي حمولك "فكرك، قلبك، حزنك، حلمك، شغلك، ..." على الله
هتدوق الطعم الحلو :)

يعني فك ايدك من قيد المشاغل
والرغبات
واستمتع بالقرب "بجد"

مش عارفة انا غامضة ف ده؟
بس احساس لحظة واحدة
ان ربنا أحب ليك من الدنيا
وحتى الجنّة
جميــــــــــل
بشكل يخليك تحتقر رغباتك فـ اوقات تانية
تتمنى تكون بس لحظة ما بتعرف تشوف كرمه ورحمته كبيرة أصادك
فماتشوفش حاجة تانية!


يارب........





..


لك الحمد كما ينبغي
مش كله خير؟؟