علي القبور .. انتظر ..

زمان..
مش من زمان اوي يعني ..
بس دايما كان الهروب بالنسبه ليا حل ..
يعني الصمت ..
البلع مع معلقة فيفادول ..
و خلاص ..
القصة يمكن تخلص اوي للي قدامي ..
بس ليا لا ..
ليا بيبقي جوايا شايل ..

يمكن يقولوا قلبي أسود ..
مش بتفرق ..
يمكن دي الحاجة الوحيدة اللي بدأت اتعايش معاها ..
"مش بتفرق"..

الناس وحشيين ..
دي حقيقة ..
و انا من الناس ..
و مش عندي اي مشاكل ان الناس تقول عليا وحشة ..
ما انا اصلا بقول عليهم كده ..


اكتشفت ان عدد كبير من اللي بتعامل معاهم ..
بحبهم ..
بخاف عليهم ..
بضحك في وشهم ..
شايله منهم اوي ..
لو فتحوني هيلاقوا أسود اوي ..


و مش خجلانة و لا صعبانيين عليا ..
و لا صعبانة عليهم ..

اي انسان يقولي انه هيفضل دايما موجود ..
اوبس سوري ..
مافيش اصلا حد بيقول كده ..
انا اللي دايما بعتقد ان ده اللي هيحصل ..



كلنا هنموت ..
و بنموت ..
و متنا ..

سواء معنويا ..
ماديا ..
ميتفزيقيا ..
بيولوجيا ..
كيميائيا ..
فيزيائيا ..
صناعيا ..
زراعيا ..
تجاريا ..
او حتي ..

بتروليا ..


كل الموضوع ..

مسألة وقت ..


فيه ناس ماتت ..
و ناس بتموت ..
و ناس هتموت ..

و انا قاعدة ..
بتفرج ..


بعد السابقون ..
سيوجد حتما ..
لاحقون ..