دلوقتى ..لألألألألألألألألأ

نقطة

فانتازيا

اى حد من رأيهم



البوح مالوش ذنب فى اللى حصل
ولما نعمل كده
يبقى احنا ريحنا الناس وصدقنا كلامهم او ساعدنا اللى يصدقوا
عشان لما نبعد عن المكان
يبقى هو فعلا وحش
وهو ارقى واسمى كتييييييييييييييييييييييير
من اننا نعاقبه ونعاقب نفسنا على غلطة مرتكبناهاش

يمكن انا زيك على فكرة
مكنتش متوقعة انى ابقى تعبانة اوى كده
ومفجوعة "ان جاز التعبير"
بس نسيبه لأ

يبقى الناس نجحت وكلامهم صح
وده "مرفوض"



مش حانسيب البلوج طبعا
بس ده له طعمه
وحايفضل للبوح غلاوته


دول سنة ونص يانقطة
مينفعش ارميهم


مينفعش ارمى لمتنا حوالين كتاب ولا مناقشتنا عن معنى الرضا
مينفعش ارمى خواطر رانيا عن الجنة والصلاة والرحمة والامل فى ربنا

مينفعش ارمى امنيات كووك لينا فى سنة جديدة
مينفعش ارمى خيال فنجوا عنا وكلامها القليل اوى والصائب اوى اوى

مينفعش ارمى قصص نور وطبطبتها على زعلنا بخفة دم تنسينا

مينفعش ارمى اقتباسات شمعة وقاموسه وتوضيحاته

مينفعش ارمى دراز وغربته وسندة ايده على حيطان البوح فى بلد ميعرفش فيها حد

مينفعش ارمى تصريحات كالا وبسنت وكل الناس اللى كانت بتهلكنا ضحك ساعات
وهى بتحكى عن ان الحياة لازم يكون ليها قيمة ولازم نعمل فيها حاجة

مينفعش ارمى دعوات اميرة وبوحاتها اللى كانت كتير بتدمع عيونا وبثها المباشر من الحرم

مينفعش ارمى معلومات المجاهد محمد عن الكومبيوتر ساعات والدين كتييييييييير وحاجات كتيييييييير اوى كنا بنقوم وحاسين اننا قرينا كتاب منوع وعرفنا حاجات كتيييييير

مينفعش ارمى ناس كتيييير اوى
كلهم فى قلبى قبل عقلى
مينفعش ومحدش حايقدر يهد المكان ده
مهما قال
ومهما تعبنا احنا نتيجة اللى اتقال


حتى لو الناس اللى عرفتهم معايا فى مكان تانى

حايبقى للمكان ده الفضل انى عرفتهم وعرفت حاجات كتييييييييير اوى


مش حانسيبه

وحايفضل بوح






انا زيكوا

بس كده يبقى يافرحتهم
نجحوا وكلامهم صح


نمشى دلوقتى يبقى بنهرج

يلا ياماما انتى وهو وهى ع البوح"سمايلى ماسك عصاية"


مش حانسيب هنا طبعا
حايفضل هنا ليه جماله
وحانبقى موجودين هنا وهناك