ان الله لا يقضي الا الخير

يـــــــــاه..

الانسان ده طماع بشكل..
انا مكنش في بالي اصلا فكرة اني اقدم تدريب في المصري اليوم..
بس لما اتقالي ..قلت ماشي..

كلمتهم من شويه ..
قالي ان غير وقت للتقديم كان امبارح..
زعلت "شويه"..

امبارح بس..

24ساعه يعني..

كان هيبقي صعب انط علي الكليه اعمل شهادة قيد و انط علي المؤسسة اقدم بس كان ممكن..

سبحان الله..
بس ربنا لا يقضي الا الخير..

يمكن لو زي ما قالي احتمال يبقي فيه مرحلة تانيه تكون دي اللي فيها الخير..

وبعدين ده ادالي فكرة اني ممكن اكلم بقي اي مؤسسة و اسأل مش واسطة زي ما كنت فاكره..

الحمدلله علي كل حال..
بفكر اكلم صوت الامه رغم اعتراضي علي بعض اللي بتنشره كونها جريده خاصه بتستخدم لغة الاثارة و الزعابيب.. بس بصراحه بحب مقالتها..

واكلم الاهرام كمان و اشوف باقي الجرايد..

ربنا يسهل..

عايزه ابدأ بقي احط رجلي علي اول الطريق..