مؤذي أوي انك تطلع بدروس مستفادة بسبب خبرات توجهك بشكل معين بعدين!
يمكن أحياناً نافع !
ازاي تعرف ان فلان كداب؟
او كلامنجي؟
او منافق؟
او مخرّب؟
او غبي ويودّي ف داهية؟
او الصفات الأبشع بقى؟؟؟
او او او !!!
نو واي طبعا !
ع الأقل في البداية.. سليم؟!
يبقى "مفيش دليل ان فلان كويس غير لما يثبت!"
مفيش دليل انه صادق
مفيش غير الأساس اللي يريّح لو خدت بيه
انه كداب منافق سيء
أقل تقدير وعشان ما يبقاش في ظلم ويفضل حرصك موجود..
انه هيؤذيك بدون قصد خالص! بسبب انه مابيفكرش!
او انه مابيعرفش يفكر
او انه مايقصدش!
او انه مش عارف كل ده!
او عارف ومش فارقة معاه!
فالأسلم..
نرجع للمُعطى واحد.. انه حد وحش بكل معاني السوء
إلا أن
يثبت العكس!
لو عرف!
..
..
المشاركات
هناك ٦ تعليقات:
انتى عارفة انى لسة قارية كلامك دة دلوقتى بعد ما كتبت التدوينة الأخير ؟ !!
هو انا مش بحب افترض سوء النية من البداية ..,
بس ليه من البداية ما نخليش الناس كلهم "معرفة" لحد ما يثبتوا العكس فيترقوا لدرجة الإخوات أو الأصدقاء ..!!
الفكرة كمان يارونى
ان القلب بيحس من الأول
بيتقبض منهم ..,
لكن بيكذب احساسه عشان الظاهر الجميل اللى مبتسم لينا دايمًا..,
وعشان بنحاول نتعامل بالحسنى مع الناس كلها
هو احنا لازم نتعامل بالحسنى لحد ما يثبتوا العكس ..,
وربنا يعوّض
مش عارفة يا ضحي :)
اللي شايفاه دلوقتي اني غلط
وبالتالي انتي زيي! :)
ده مجرد رأي
ليه؟
لأن لازم يبقى في اتزان في المعاملات
حتى لو ناس قريّبة
يبقى العلاقات "هوناً"
ولو مابنحبهمش "هوناً" بردو
ده كلام يريّح
طب واللي ميعرفش ده؟
بيستهلك فوراً ؟
واللي ما بيصدق يعرف فيصاحب ويحب ويدي يدي يدي؟؟؟
احنا بقى بنعمل ايه؟
يا حراااام.. انا ليه مش مرتاحة لفلان ولا فلانة!!! ايه الشر اللي فيا ده؟ مش كده؟
تقومي تعويضا للشعور "الغريب" عليكي ده
تدّيه ثقة اكبر
او حب أكتر
وهكذا !
ياخد على دماغه بقى!
ده أنا يعني :)
"مابتعلمش" !
بس ناااااااوية
يارب بصيرة!
وانا تعبت !!!
ربنا يرزقنا بصيرة يا رانيا ..
لالالا ما تتعبيش خالص ما فيش حاجة تستاهل والله
فرحى قلبك اللى يستاهل الفرح
وسيبيها على ربنا والله
للاسف..
ده اللي دلوقتي..
يعني الطبيعي ان الانسان بيفترض الاول حسن النية..
يفترض الانسان اللي بيتعامل معاه الطبيعي بيتعامل بفطرته كانسان كويس..
دلوقتي بقيت اقول "كل الناس الاولوية انهم يمشوا.. انهم يطلعوا سيئين اوي" لحد ما يثبت العكس..
و اوقات مبيثبتش..
الفكرة ف حاجة, إحنا أصلا بنحكم على الناس ليه؟ّ
علامة تعجب عليها شدة اهى :)
الفكرة كلها يا جماعة, من وجهة نظرى القاصرة يعنى إنى مش مطالب بالحكم على فلان, ولكن بعامله عادى, زى ما قالت ضحى, لكن لو عايزه صاحبى , حبيبى, أو هختار شريكة حياة ..
يبقى لازم يمر باختبارات, وينجح فيها..
ساعتها ممكن كمان أسأل عليه كل اللى حواليه, واعمل عليه بحث وتحقيقات ..
بس ف العموم . ماليش إن أحكم على حد, طول ما علاقتى بيه سطحية, وأحافظ على الحدود دايمًا دايمًا
ولما أحب, ما أحبش قوى
ولما أكره, ما أكرهش قوى
حب حبيبك هونـًا ما .. عسى أن يكون عدوك يومًا ما
وابغض عدوك هونـًا ما .. عسى أن يكون حبيبك يومًا ما
اللهم آرنا الحق حقًا وارزقنا اتباعه, وأرنا الباطل باطلًا وارزقنا اجتنابه
ونجنا من الفتن ما ظهر منها وما بطن
ونجنا من الهم والغم والكرب العظيم
إرسال تعليق