حرام حد يقول غير اللى بيعمل
أمر من ربنا اننا منقولش مالا نفعل
اه برده
طب فرضا انا وحشة برتكب ذنوب مينفعش اقول لحد يعمل حاجة كويسة على اساس انى مش بعملها
طب انا ضعيفة مش بقدر على نفسى
اهو شوية بتخانق معاها وشوية اغلبها وشوية تغلبنى
وواثقة انى انى لو قلت لفلانة دى كده حرام متعمليهوش مش حاتعمله
مقولش عشان انا مش بعمله
طب هو كده معناه
انى محاولش ادعوا لسبيل الله مادام انا وحشة
او عندى حاجات غلط
ولا أدعو مش مش فى النقط الضعيفة عندى
امممممممممم
صعب اوى
حدش فهم حاجة؟
المشاركات
هناك ٣ تعليقات:
اه يا ريحانة!!
فاهماكي أوي!
متهيألي كل اللي هنا فاهمين كمان :)
مش وحشين أوي..
بس كمان مش حلوين أوي!
ولو المطلوب اننا نكون مابنغلطش
يبقى كان الأمر يتوجه للأنبيا والأوليا بس
الفكرة اننا بشر فبنغلط
بنعافر ونحاول ونقع ونقوم!
ايه المانع ننصح واحنا فـ الحالة دي؟
لكن مابقاش والعياذ بالله أنا مصرة على ذنب وشغالة عليا وانصح!
يبقى باهرج!
في فرق شايفاه
فاهماني؟ :)
كمان سمعت كلمة من استاذ معز مسعود بيقول فيها ما تخلوش الشيطان يقنعكم انكم ما دام بتغلطوا يبقى ما تستاهلوش تحبوا ربنا
حب ربنا درجات ..
فيه محب عاصى
واكيد المحب اللى بيتوب فى درجة اعلى
والمحب اللى بيتجنب المعاصى وبيجاهد نفسه اعلى واعلى
واحنا اكيد بنمر بكل مرتبة من دول
دة مش معناه اننا مش بنحب ربنا
ومادام بنحبه يبقى ندعى لسبيله ولطريقه
دة دورنا فى الأرض
بنتعلم وبنعلم
بنتنصح وبننصح
فى الله .. : )
هذا والله اعلم طبعًا :)
ضحى
رانيا
اه انا برده بقول
ماهو مش ممكن عشان انا بذنب يبقى مينفعش اقول ياجماعة ده ذنب
بس ساعات يارانيا يبقى الذنب قوى انتى من جوه شغالة على نفسك وبتحاولى على قد ما تقدرى
انك تبطلى
بس وانتى بتحاولى فى نفس الوقت بتقولى لا ده غلط
ربنا يقوينا يارب
ويقربنا
محتاجة قربه اوى
إرسال تعليق