ينفع انت تكون كَمَايا
يعني زيي
يعني مثلي
يعني أي كلمة تشرح
أي لهجة
بس بيها تكون حاسسني؟
تفهم ان القلب مشروخ بالطبيعة
بالوراثة
بالـْ
مانيش عارفة انت حاسس باللي قايلاه ولا لأ
بس لأ !
إوعى تيجي تِكسر الـ مكسور حَدايا
مانت عارف
قلت قابلني كمايا
حتة واحدة
خدمة ملفوفة فـ باكيدج!
ينفع أكسر منه حتة
واقول كفاية عليا من ده؟
مش قبلت العرض كامل؟
خِف عني الحِمل بـ الله واحتملني
تدخل الجنة بـ جناني
حد طايل؟..
المشاركات
ليست هناك تعليقات:
إرسال تعليق