ساعات باحس اني "لسه" ضعيفة
مش معنى كده اني كده
بس احساس بيهفّ

بس انا قريت فعلاً!
صحيح لسه الرصاص ماخبطش
لسه ماضطرتش اشوف وقعتي هتطول أد ايه
لسه مستنية قدر ربنا "الخير" اللي عودهولي الكريم الرحمن
بس عارفة اني قويت بردو
مين قال اني هااتكسر
الكسر ما بيتكسرش!
شوف سبحان الله!!
حاجة من اتنين
الكسر يا يفضل زي ما هو
يا يلم حاله ويقوى "شوية"
يعني مش هينوبه هشاشة عظام مثلا ! :D

يبقى قويتي شوية يا بنت :)
لسه هتتعبي صح؟
عادي!
بس قربتي صح؟
آه
اتعلمتي؟
آه
هتفضلي في الأرض قليل؟
آه
بتتنفسي؟
آه
بتحمدي الله؟
آه

انا مش وحشة
مش غبية
مش غامضة
مش سلبية
مش ضعيفة

انا حد يستاهل
طيب
بيحب
بيسامح
بيفكر
له كرامة ودماغ ومستقبل
وجنة
ليا جنة عند ربنا
جنتين
ومسامحة
مسامحة عشان ربي يسامحني
مش عشان حد يستاهل :)

وكسبت حااجات كتير
كفاية .....
وكفاية لحظة سطوح قرب السما
وكفاية مغرب أحلى من الشهد
دول كفاية!

كله خير منك يارب :)
برضا
لو علمتم الغيب!!

بس قويني !!!
عشان "ساعات" باضعف!
انت عندك العفو
مدبر الأمر..
كريم :)




تصبحوا ع جنة.